قواعد العشق الأربعون > مراجعات رواية قواعد العشق الأربعون > مراجعة Aya M Bayuomi

قواعد العشق الأربعون - إليف  شافاق, محمد درويش
تحميل الكتاب

قواعد العشق الأربعون

تأليف (تأليف) (ترجمة) 4.3
تحميل الكتاب
هل قرأت الكتاب؟
  • قرأته
  • أقرؤه

    الى أين وصلت في القراءة؟

  • سأقرؤه

    هل بدأت بالقراءة؟نعم


لا يوجد صوره
4

أولا بالنسبة للكاتبة

إليف شافاق اخدت مخاطرتين كبار جدا قليل ان روائي يستخدم واحدة فيهم ناهيك عن الاتنين مع بعض وهي بتكتب الرواية دي

الأولى هي مخاطرة كتاب جوه كتاب اللي بيأدي لخطين زمنيين متوازيين اعتقد ان هدفها هو اسقاط احداث حصلت من 800 على الواقع الحديث ونقدر نقول انها نجحت في ده بامتياز

المخاطرة التانية كانت مخاطرة حكي القصة على لسان اكتر من شخص ومن وجهات نظر مختلفة وده ليه سبب ممكن يحرق احداث الرواية وبرضه نجحت فيه بامتياز

شابو جامد لإليف شافاق كروائية

ثانيا بالنسبة للمترجم

برافو

مجهودك رائع

لكن وضع اسم الرومي على عنوان النسخة العربية ظلم الرواية(وللعلم اسم الرومي مكانش موجود عالطبعة التركية او الإنجليزي) لأن زي ما حضرتك عارف الرواية مش عن الرومي كشخص

ثالثا بالنسبة للسياق التاريخي لأحداث الرواية

في الفترة اللي الرومي قابل فيها شمس التبريزي حكام المسلمين كانوا بيقاتلوا بعض عالارض والمال وحكام المسيحين بيقاتلوا بعض لنفس الأسباب والاتنين بيقاتلوا بعض للسيطرة على طرق التجارة والحج واللي بيحارف فيهم لسبب اسمى واعظم من الأرض والمال كانوا قلة وكل واحد منهم محاط برجال دين بيبرروا افعاله للناس وبيرغموهم يطيعوا الحاكم باسم الله وده كان المدخل اللي احكام وشعائر الدين فقدت هدفها الأساسي وهو الاشباع الروحاني واحداث التوازن في حياة الانسان وبدأت الروحانية تنشق عن الشريعة زي حتة القماش اللي بتتقطع وهنا ظهر الصوفيين بمحاولة لأستعادة روحانية الدين بكل الطرق من اول محاولة ارجاع الشريعة والروحانية مع بعض ولحد تجاهل الشريعة تماما في سبيل الروحانية

وهنا نقدر نقول ان معظم الصوفيين حتى اللي طرقهم كان فيها ضلال واضح كانت نيتهم كويسة والحكم عليهم حكم مطلق بالكفر والضلال مش من حق حد من البشر ولو كان اعلم علماء عصره

Facebook Twitter Link .
16 يوافقون
اضف تعليق