مراجعات أريد رجلًا > مراجعة Aisha Hussien

أريد رجلًا - نور عبد المجيد
تحميل الكتاب
أريد رجلًا
تأليف (تأليف)
تحميل الكتاب
هل قرأت الكتاب؟
  • مراجعة جديدة
  • اقتباس جديد
  • قرأته
  • أقرؤه

    الى أين وصلت في القراءة؟

  • سأقرؤه

    هل بدأت بالقراءة؟نعم


4

نور جسدت في الرواية مشكله من اكبر المشاكل اللي بتواجهنا في حياتنا كمصريين وكعرب عموما .. وهي رغبة الرجل دائما في المولود الذكر وكأن هذا الذكر هو "الدليل الوحيد علي رجولته" !!

مجتمع مريض رغم التقدم والعلم اللي العالم فيه والمساواة بين الرجل والمرأة وما الي ذلك الا ان لسة في بعض الرجال عقلهم مرتبط بإن الولد هو اللي هيشيل اسمي لما يكبر

طب ما في بنات كتير بتبئا اجدع من الرجاله وبترفع راس اهلها اكتر من الولد !!

الحكاية مش حكاية ولد وبنت .. الحكاية حكاية تربيه واخلاق ومبادئ وافكار تتزرع ف الطفل سواء بنت او ولد من وهو صغير

~~~~~~~~~

كان من ضمن احلامي اني اتزوج صعيدي لكن لو كانوا كل أمهات الصعايدة زي يامنه فليذهب الحلم الي الجحيم -_-

يامنة دمرت كل حاجة حياة ابنها وحياة امينه وحياة لبني وحياتها هي شخصياً

يامنه كرهتها منذ اول حروف التعريف بها ! انانية لابعد الحدود وجامدة المشاعر !!

امينه حبيتها جدااا لكن مش عارفة لية حسيتها اوفر اوى ف الاخر وفي رد فعلها اعتقد ان مفيش ست تقدر تعملها ف الحقيقة ( مجرد رأيي واعتقاد )

سليم حبيت عشقه لامينه لاني كنت متخيله ان مفيش راجل صعيدي ممكن يبئا رومانسي وبيحب بالطريقة دي! وجايز يكون محض خيال ف الرواية ..رغم كل اللي عمله الا انه صعب عليا ف الاخر

~~~~~~~~~

نهي وخالد قضية تانية مهمة جدااا

نهي تلك الفتاه بتجسد يمكن 30% او اكتر كمان من بنات مصر او بنت عموماً

البنت اللي مش واثقة في نفسها ومش واثقة في جمالها وشايفة ان الجمال خارجي فقط !!

مع ان الجمال جمال الروح .. طب ما في ملكات جمال لكن روحهم مش حلوة وباردة المشاعر :)

خالد شاف نهي من جوة مش من برة حبها من جوة مش من برة :) ودي احلي حاجة فيه

~~~~~~~~~

عزت محبتوش من الاول اصلا -_- مش عارفة لية ! بس اتبسطت من النهاية بتاعته

اعتقد هو يستحق كدة واكتر

~~~~~~~~

اتفاجئت بإن ام لبني هي هاله !! اهي دي الحاجة الوحيدة اللي مكنتش متخيلاها نهااائي وانا بقرأ

~~~~~~~~

عمتاً قصة الرواية مستهلكه جدااا وفي اكتر من حاجة سواء عمل كتابي او سنيمائي

كانت تاني تجربه مع نور وكانت تجربه جميله :) بحب اسلوبها جدااا وخصوصا في رسم الشخصيات ووصف التفاصيل

Facebook Twitter Link .
16 يوافقون
اضف تعليق