أهم سؤال سألته لنفسي لما خلصت 468 صفحة فين الرواية ؟! طيب عايز ايه هيباغير سرده لأحداث لا دخل له فيها ولا أثر فيها ! مفيش اي اجابة طيب ايه اللي طلعت بيه منها

يعني لو عملت مذاكرات عن اللي حصل في مصر في السنين اللي فاتت ممكن حد يعمل عليها كتاب ورواية وكده

المهم ليه نجمتين عشان الأحداث الحقيقية سواء للكنيسة والاختلاف عن وضع السيدة مريم وأيضا لأحداث مقتل هيباتيا وحكاية ربط تاريخ بجزء من الخيال وأسئلة عزازيل ووجوده في حياة كلا منا

ليه بقي الحشو الباقي وحشو كتير جدا وممكن نستغني عن نص الرواية من غير تأثير وايه الفايدة منه , ليه كل التعليقات الجنسية دي والوصف الدقيق , هيبا كان راهب مش مراهق يعني لو كان عرف نساء كتير علي مدي الرواية وغلط في كذا مرة فقط ممكن عشان هو انسان وضعيف إنما كل واحدة يقابلها يحبها ويُخطئ معها لا ده مش أسلوب ولا حياة راهب لا يليق ابدا ! وكمان حبه وهيامه بهيباتيا ليه ليه يعني ... وبعدين فين النهاية