و كانت آفة حارتنا النسيان ...

دي اول تجربة ليا في كتابات نجيب محفوظ ,, وطبعا زي ناس كتير اللي دفعني اني ابدأ بيها كم الجدل اللي دار حواليها ,, بعد ماخلصت الرواية حسيت ان طرفي النقيض _سواء اللي انتهوا انهم اتهموا محفوظ بالالحاد او الطرف التاني اللي استمات في الدفاع عنها- غالوا جدااا في ارائهم وان الرواية لا تستحق كم الجدل ده ..

في رأيي ان الرواية مفهاش اي نوع من انواع التطاول الديني بالعكس الكاتب كان في صف الاديان جداا ,, وده طبعا بعيدا لو هانعتبر التجسيد او التاويل _سمه كما شئت_هوة عين التطاول اللي الناس انتقدته عشانها وبالفعل ده كانت اكتر حاجة قفلتني من الرواية وافقدت الرواية منطقيتهاو خلت الكاتب يلجأ انه يضيف احداث خارجة عن حدود العقل زي الجد اللي فضل عايش قرون ..

الرواية نقدر نقول انها عبارة عن جزئين ما قبل وما بعد عرفة ,, الجزء اللي قبل كنت شايفاه مكرر وممل وطول زيادة عن اللزوم وده اللي كان فيه اشارة لقصة الخلق وقصص الانبياء .. اما ما بعد عرفة بالنسبة لي هوالروايةنفسها وهواللي فيه الخلاصة ,, فكرة ان العلم الخالص لوحده اللي بيقتضي موت الدين او الاله هو طريق الشرور و اداة لتحكم جزء من الناس في الناس التانية واستعبادهم وده شبه واقعناالحالي بشكل ما او باخر .. وحنش كانت فكرة الخلاص اللي الناس مستنياها تيجي ترجع قيم الخير او قيم الاديان للعلم عشان الحياة تتصلح ..

الجزء ده عشان كان من خيال الكاتب التام بعيدا عن اي تاويل فالنهاية كانت مش معروفةفده خلاه اكتر جزء مشوق ..

عامة كانت التجربة الاولى مع نجيب محفوظ وان شاء الله متكونش الاخيرة ..