الجميـع رحـلّوا ما عـدا صندوق مريمه!!
هـاي العباره ضلت مرافقتي منذ أن أنهيت الرواية
سمعت كتير بالرواية وكان عندي شوق إني أقرأها
لما وصلت بين إيدي .. وبلشت أول صفحاتها ترددت كتير أكملها او لأ
كان عنـدي تردد لانو كان تاريخ جديد علي .. عالم ما بعرف شي عنـه
بس بالصفحات المقبله سحبتني الرواية لأجـد نفسي منغمسه بأدق تفاصيـلها
ثـلاثية غرناطة من الروايات إلي بتركك وإنت حاصل ع كم هـائل من المعلومات
الأندلس .. غرناطه ,, بالنسية .. قرطبة ,, الجعفريه
حضارة كاملة ما كنت املك معلومات عنـها
وكالعـاده الاسبان والقشتاليون كانوا كأي محتل دنيئين
لـدرجه إنو كـانوا يخليوا المسلمين يصيروا نصرانين ولا بيرحلوهم أجبروهم يتخلوا عن لغتهم عن كل المظاهر إنهم عرب
وكأنك مجرد كونك من أصول عربية هي كفيله تكون هلاكك
أعجبت بقدرتهم على إنو يلاقوا الحلول من تحت الارض بس ما يتركوا أرضهم,وطنهم
وكعـادتي بعد كل ما أنتهي من رواية من هادا النوع بيخنقني إنو قـديش إحنا بعـاد عن ديننا وعن وطنـا
قـديش قبـل كان في تمسك وإصرار بالدين .. بالرغم من كل شي عاشوه ضلوا متمسكن بدينهم وأرضهم
طيب إحنا وين من كل هادا !!؟