عطول صاحباتي والناس الي حوالي بقولولي بحب وطنيتك! بحب فلسطنيتك !!
لما قرأت هادا الكتاب سؤال واحد ما فارق ذهني ..
انا كـ سراب شو عملت للقضية الفلسطينية ؟؟؟
أشعار ؟ حكي ؟ تنظير ؟ بحط صور عن فلسطين ؟ ببكي ع الشهداء ؟ بحس ؟
يالله قديش حسيت حالي ضئيلة,حسيت حالي ولا شي مقارنة بهادا العملاق !!
بكييت .. بكييت .. بكييت من كل وجع فيني !
قديش ندمت اني صار عمري 22 سنة وانا لسه غافلة وجاهله بكتير قصص ومابعرف شي عن حياة الاسير
عبدالله البرغوثي صاحب أكبر عقوبة 67 مؤبـد و5 آلاف و200 عام !!
بقرأ وبفكر انو قديش اسرائيل ضعيفه وخايفه وقديش عبدالله البرغوثي قوي ومرعب اسرائيل لحتى تحكم عليه بهيك عقوبة
وقـديش كرهت الناس الي باعونا وباعوا قضيتنا .. قديش كرهت السلطة والمال والعملاء الي ببيبعوا الوطن ب شيكل وشيكلين !! قديش احنا مليانين خونه
اصلا احنا كلــنا خونه ولو ما كنا هييك كان مكانا متل عبدالله البرغوثي بالاسر او متل يحيى عياش وابو الهنود بالجنة ..
وصول عبدالله البرغوثي للاعتقال مرة وللاسر بالمرة التانية مـا كان من اليهود لاا
كان منّا احنا من قلة نخوتنا وخيانتنا !!
عبدالله البرغوثي فتّح عيوني على كتير شغلات ما كنت مدركها .. فتح آفاق بعقلي وبطريقة تفكيري
قـديش حلو انو أمير الظل مع انه أسير وقاعد بغرفة عزل انفرادي غير إنه بتحس انو هو اكتر واحد حرّ وطليق وعايش بالنور بهالدنيا وقادر يعطي أمل ويزرع النخوه وحب الوطن والله بنفوس الكل
شكـرا إلك عبدالله البرغوثي ..