دايما بس اخلص من رواية بمسكها بستغرب إنو مجموعه من ورق قـادره تاخدك لمـكان بعييد

قـادره تعيشك مع شخصيـاتها وتخليهم كأنهم عايشين مـعك وكأنهم أفراد من عائلتك

أوجعتني هاي الـرواية بقرأ وبنفس الوقت بتوجع ع الحال إلي وصلناله من خذلان ويأس ووجع بـ نسببه لحالنا ولوطنا

قـديش زمـان حـب الوطن كان مختلف .. كانوا حتى الاولاد الصغـار بيتربوا ع حبهم لفلسطين

إلي لفتني إنو كان أبو الامين بيعلم حفيده يرسم خارطة فلسطين من وهو صغييير ويخليه يعين كل المناطق

هلا كـم واحد فينا بيعرف يرسم خارطة وطنا ؟؟

وكم المجازر والقتل والتشويه إلي صار بشعبنا وبالرغم من هييك ضلوا متسمكين بوطنهم

أعجبت بـ عبد الرحمن ونغـاشته كان يضحكني بكـل مرة

مقـدار البساطه والحب إلي بكنوه لبعض

وتفأجات بقدرة رضوى عاشور على تفاصيل فلسطين .. أغانيها,عاداتها,وصفها للوز وكل شي

كانت رواية فلسطينية بإمتيـاز

نهاية الرواية كانت جزئي المفضل .. رقية الكبيـره حملت رقية الصغـيره مفتـاح بيتهم في الطنطورية

لتحطه عقـد برقبتها ما بيغادرها لا ليـل ولا نهـار

وإلا يجي اليـوم إلي رح نسـتعيد كل وطنـا فيه