خلصت مني مش أنا اللي خلصتها :(

فعليا من أمتع ما قرأت .. كام قصة مختلفة بأبعاد خاصة بيه وانت لازلت - للعجب - رابط بين ده وده

تخلص 100 صفحة مثلا وترجع تكون فاكر الاحداث عادي

الاحساس بتقبل الاخرين علي كل شكل ولون انك جزء من نسيج الكون ولازم تحترم الخيوط اللي جمبك لانكو كلكو بتكملوا بعض :)

حبيت شمس جدا لقيت فيه جزء من نفسي اللي بيحب الترحال والسفر وبيكره القعدة والاستقرار

المفروض ان شمس كان بيساعد الرومي يخلص من كل الاصنام اللي بينه وبين ربنا

بس المشكلة ان هو ذات نفسه بقا ف الاخر صنم بردو

يعني الرومي حب شمس كما لم يحب هيبته و كتبه واهله

قرار ايلا لغاية دلوقتي مش عارفة صح ولا غلط هو صح وغلط معرفش ازاي

عامة حبيت الرواية بكل ما فيها كل ما فيها كل مافيها

مرضتش اقراها ايام ما كان ناس كتير بتتكلم عنها والدوشة حواليها كتير قلت استني لغاية ما استمتع بيها في هدوء وقد كان :))

شكرا أليف شافاق