في البداية وقبل ما أبدأ فيها اجلتها كتير وكنت فعلا خايفة ابتدي فيها لانها تعتبر أول رواية اقراها لـ رضوي عاشور ومااعرفش عنها وعن كتابابتها اي حاجة

شدني اوي كلام الأصدقاء عن الرواية قوتها وجمالها

بس دايما بتخوفني الكتب اللي بيبقي حواليها كلام كتير

وخوفت اكتر لما لقيت الرواية اكتر من 500 صفحة ومعني اني ابتديها اني لازم اخلصها

ودي كانت هتبقي مشكلة

لكن في الحقيقة الرواية تستاهل وأكتر

وبدل ما كنت خايفة ابتديها بقيت مشدودة ليها ولاحداثها السريعة بتفاصيلها بأجيالها المتعاقبة

اللي رضوي عاشور ابدعت في الوصف فيها

عرفت تحسسنا بمشاعرهم ومعاناتهم

عن قوة ايمانهم وثقتهم في ربنا ان النصر قريب

وللاسف مستننين نجدة العرب اللي عمرها ما جت

سيناريو بيتكرر

ثلاثية غرناطة مثال راائع للرواية التاريخية العميقة

اللي تزودك بكل المعلومات التاريخة اللي محتاجها من غير ما تزهق ولا تمل

حبيت رضوي عاشور واكيد ان شاء الله هاكمل باقي كتاباتها لانها فعلاً تستحق :)