عزازيل .. أحد أروع الروايات اللي قرأتها علي الاطلاق
كل الشخصيات رائعة ورسمت بدقة وعناية .. حبيت جدا "هيبا" واشفقت عليه
وحزين اني خلصت الرواية .. سأفتقد "هيبا" !!
د.يوسف زيدان بأسلوب رائع ومشوق جدا بيشرح جزء مهم جدا من تاريخ الديانة المسيحية واختلاف مذاهبها .. في الوقت نفسه بيعرض تاريخ مصر من خلال أخميمي والاسكندرية وشكل الحياة وطبيعتها وديانات الناس في هذا الوقت والصراع بين الديانات والمذاهب
وكذلك القي الضوء علي اورشليم وحلب وانطاكية
انك توصل معلومات تاريخية صادمة بهذا القدر من الجمال والتشويق ده انجاز
أثر فيا جدا مشهد قتل "هيباتيا"
كلمات الرواية وجملها في منتهي الجمال سواء حوار "هيبا" مع الله او مع نفسه او مع "عزازيل" ..وصف الشخصيات كان اكتر من جميل .. اقرأ وكأنك تري
أشعر ان هدف الرواية -غير المعلومات التاريخية- هي الدعوة للتفكير او علي الاقل ده من أهم الحاجات اللي استفدتها
فكر طول الوقت .. فكر في كل حاجة