خلصت الرواية وأنا بقول ليه ها لـــــــــيــــ
مش كفاية انكساره في بلده وفي فقره واهله وناس كتير حواليه
حتى دي ما سلمتش
وقفلتها وبصيت لاسم الرواية
وقلت اه
انكسار الروح
بس ماكنش ينفع يكون فيه بصيص أمل في أي حاجة
ولو تفضل مجهولة مختفية
ليه الانكسار بالشكل ده والتشويه ؟
ماكنش ينفع تكون النهاية زي ما قال في الرواية بــــ
" لحظة حمقاء من لحظات الفرح الشحيحة "
كان صعب لان الواقع نفسه ساعات كتير ما بينتهيش بلحظة فرح !
ما اعتقدش ان حياته هتتعدل بعد كده
تقريبا كان بيعيش علي أمل وجودها وفي عز ازماته بتكون دافع ليه عاشان يستمر رغم كل شئ
تقريباً كل واحد فينا جواه حاجة او حد بيفتكرها عاشان تقويه حتي لو بعيدة عنه
ومايتخلش انها تضيع او تختفي
لان في الحالة دي مافيش حد هيخرجه من يأسه مهما حصل
فما بالك لو اتشوهت كمان ؟؟؟!!
التجربة الأولي ليا مع المنسي قنديل
تجربة مميزة ومختلفة ومؤثرة
حبيت تعبيراته ووصفه
ماقل ودل وأثر في النفس عظيم الأثر