لا سكاكين في مطابخ هذه المدينة > مراجعات رواية لا سكاكين في مطابخ هذه المدينة > مراجعة سمر محمد

لا سكاكين في مطابخ هذه المدينة - خالد خليفة
تحميل الكتاب

لا سكاكين في مطابخ هذه المدينة

تأليف (تأليف) 2.9
تحميل الكتاب
هل قرأت الكتاب؟
  • قرأته
  • أقرؤه

    الى أين وصلت في القراءة؟

  • سأقرؤه

    هل بدأت بالقراءة؟نعم


لا يوجد صوره
2

رواية لا سكاكين في مطابخ هذه المدينة من الروايات اللي وقعت في ايدي صدفة وشدني فكرة انها تتبع سيرة اسرة في فترة زمنية معينة وده شجعني اقراها وخصوصا انها فكرتني بروايات رضوى عاشور ثلاثية غرناطة والطنطورية واللي كنت حاباهم جداً وحابه فكرة الرواية التاريخية

وبالتالي قررت أقراها

بدأت فيها عجبني الجزء الأول وفكرة العيش في حياة موازية واللي تقريبا اغلبنا عايشها وده اللي خلاني كتبت تعليق علي اول جزء بقول

""عندما يخذلنا الحاضر .. إما أن نهرب إلي الماضي فيجعلنا نتألم أكثر ..أو أن نخلق عالماً موازياً نحيا فيه فننفصل تدريجياً عن الواقع حتى نغيب تماماً .. فتصبح عودتنا مستحيلة !"

بعد كده بدأت الرواية تبقي مملة بكثرة تفاصيل وتكرار لأحداث

احيانا يذكر حدث معين مجرد ذكر ويرجع يعيده بالتفاصيل !!

وفجأة يذكر شخص يخليني اقف وارجع لورا بتفكيري او يضطرني فعلياً ان اعيد اجزاء معينة عاشان مين الشخصية دي لو كانت وقعت مني في كثرة الاحداث :D

دلوقتي احدد رأيي في نقاط معينة :)

أولاً مجموعة أسئلة خطرت علي بالي بسبب قراءة الرواية دي

1 - هو ككاتب بيكتب رواية المفروض اللي هيقراها هيكون فكرة عن مجتمع ما قبل الثورة السورية

ليه اختار الشخصيات دي بالطريقة دي وبمساوئها التي لا تنتهي وحاول يظهرها ويأكد عليها بأكتر من طريقة .. وماحاولش يبين الكويس والوحش .. هل كان عايز يقول ان زي ما كان النظام وحش كمان الناس كانت وحشة ؟؟ ولا يمكن كان عايز يقول ان اسلوب النظام وسياسته بيدفع الي كل الانحراف اللي احنا شوفناه ؟؟ ولو كان ده قصده ما اعتقدش ان كل المجتمع متحرف بيفكر بنفس طريقة ابطال الرواية دي واللي تقريبا ماحدش فيهم كويس ؟؟!!

2 - اذا كان الكاتب بيحاول يظهر اسباب ثورة شعب علي نظام قمعي دمر حياتهم علي مر التاريخ.. اعتقد ان الرواية احتوت اشارات واشارات مكررة وقليلة .. فكان تركيزه علي احداث ثانوية كتيرة جداً اكتر من المضمون إلا لو كان اراد ابراز الاحداث الثانوية اكتر وده يدي علامات استفهام ؟؟!!

ثانياً من الحاجات الكويسة في الرواية اللي خلاني اديها نجمتين بالاضافة لاعجابي بفكرة الحياة الموازية واللي وضحها بشكل كبير في شخصية الراوي مثلاً

ان الرواية جيدة كفكرة وكلغة وكمان قدرته علي ربط الشخصيات ببعض وتخليك غصبن عنك تركز عاشان ما توهش في الاحداث او تنسى شخصية حتي لو ضايقتك التفاصيل

وقدرته علي إظهار نفسيات الأبطال

وكمان وضح أثار النظم القمعية علي الشعوب بشكل عام

ثالثاً سلبيات في نقاط محددة

1 - التفاصيل الكتيرة وحشر شخصيات فجأة في الرواية

2 - التكرااار

3 - المشاهد الجنسية الكتيرة بشكل مستفز

4 - هدف الرواية مش واضح زي ماقلت لانه بيوصل لاسئلة كتيرة

Facebook Twitter Link .
2 يوافقون
5 تعليقات