أول كتاب أقرأه لنوال السعداوي بهدف واحد إني أتعرف علي شخصيتها
والريفيو ده عن الكاتبة أكتر منه عن الكتاب
صراحة كل الناس اللي بيتكلموا عنها بيقولوا كلام وحش فقررت أكتشف بنفسي وأقرأ أول كتاب ليها
أول حاجة حسيت بيها هي كرهها الشديد للضعف أو إنها أقل من أي حد وده اللي خلاها تكره أنوثتها لأنها شايفة المجتمع بيحط البنت في مكانة أقل من الولد
اختارت الطب عشان تحس وتعرف الناس انها أقوي منهم
نظرياتها في الزواج والأنوثة و الضعف والقوة عجبني منها أجزاء وأجزاء اختلفت معاها تماما نظرا لاختلاف البيئة والظروف والتربية
حسيتها بتبحث عن المثالية وإنها شخصية مستقلة وقوية ومتمردة حتي علي الحاجات المسلم بيها و ده في بعض الأحيان بيبقا حاجة وحشة