المجموعة في مجملها جيدة

الأسلوب محكم جدا

وأعتقد كل أنثى هتقرأ الكتاب هيعجبها جدا

المجموعة عبارة عن مشاهد ومشاعر جميلة أوي

بس في بعض الأحيان ببقى عايز توضيح وتطوييل أكتر من كده

طبعا الاسم شدي زي أي حد والغلاف لـ /أحمد مراد الرائع والدعايا الكتير ليه خلاني اشتريه

ووصف (بريود) بـ " صمت أنثوي صاخب " موفق جدا جدا

والمقدمة هنا ع الجودريدز ياريت كانت في الكتاب

موقعها الكتاب فعلا مش الموقع

لوح ثلج : من الحاجات اللي علقت معايا جدا

بس البنت مأفورها حبتين

وبرده لقيت الناس معترضه على موضوع اقحام الدين

وأعتقد أنت تقصد اللي بيتكلموا بإسم الدين

ضغط منخفض (Hypotention):

مشهد عجبني جدا جدا

بس فصلتني كلمة ملهاش أي داعي (يا ابن ....) الصفحة 32

كان ممكن تستبدلها بأي لفظ تاني وهتبقى بيرفكت

لما يحصل نصيب :

أعتقد الموقف ده حصل كتير مع بنات كتير

بس وصفه كان حلو اوي

بريود (period):

كلاسيكية جميلة كمية المشاعر اللي فيها

أمنية :

تعاطفت مع البنت أوي

اليوم الأول :

مكتوبة بإحساس جميل

غير مرئي (invisible) :

برده الجملة بتاعت " إحنا قدام بعض من سنين لو كان فيه حاجة كانت حصلت من زمان !" صدمة فعلا

لعنه :

عجبتني آخر جملة

" لست أحبك لكني مقدر لي أن أحيا هكذا تطاردني لعنتك ......"

باقي القصص جميلة

بس بعضهما كان ناقص حتة :)

وعجبني أيضا وصف الكاتب نفسه في آخر الكتاب بـ

"كائن بشري في هيئة رجل يحمل بداخله نبضات أنثوية لا تصمت "

كما فجأني بكتابته عن مشاعر البنت بالدقة دي وبالاحساس ده وهو رجل !

وبالتوفيق في الأعمال اللي جاية