مبديئا الكتاب في المجمل كتاب جيد .. لو هاتكلم عليه هايبقى من وجهتين :المضمون والاسلوب ..

عن المضمون ,, الكتاب في اول فصل كان بيحكي عن الحضارة العربية وتعريف نطاقها بعد كده في الفصول المتوالية حكى عن اعلام الملحدين في الدولة الاسلامية واهم افكارهم ومراحل التطور في الفكر الالحادي .. اسهب الكلام عن ابن الراوندي من خلال بحث مترجم واتكلم برده عن ابن المقفع و جابر بن حيان و ابو بكر الرازي .. كنت منتظرة يبقى في نبذات عن اشخاص تانية معروف عنهم الالحاد لكن الكاتب اكتفى بالكلام عن السالف ذكرهم مع بعض السابقين لابن الراوندي .. اتكلم في نقطة تاني :هي فكرة حرية الفكر اللي كانت موجودة في العصر ده واللي اتاحت لهؤلاء سرد افكارهم بدون خوف ,, بس اللي حيرني ان مش ده كان الحال دائما مع كل ما يخالف فكره فكر ائمة السلطان,, فمينفعش نعمم الفكرة دي ..

عن الاسلوب ,, حسيته غير منظم تنظيم وافي ,خاصة وان الجزء اللي كان بيتكلم عن ابن الراوندي كان عبارة عن بحث مترجم .. هاتيجي عند نقطة ما مش هاتبقى عارف مين صاحب العبارات اللي بتقراها ,, ده غير ان في اجزاء مكررة جداا .. وفي افكار كانت محتاجة توضيح اكتر .. اغلب الكلام كان معتمد على ابحاث المستشرقين فكان في اغلبه سرد تاريخي بعيدا عن فلسفة معينة ..