كعادة دان براون اللي بيخلي الواحد ينسي كل حاجة حوالية وهو ماسك بين إيديه روايته

بيخطف القارئ ويخلية يعيش بكل حواسة ما بين سطوره

من أكتر الروايات اللي بتخليك تشغل مخك مع كل لغز جديد

بيحسسك إنك نفسك أتقطع من كتر من أنت بتجري مع الأبطال

بتحس بالمفاجأة والصدمة حتي لو كنت متوقع هيتقال أيه

بتشوف قدامك وتحس تفاصيل كل الألغاز والأماكن اللي بيمر بيها البطل

لحد نصف الرواية تقريبًا وأنا حاسة بالشبه بينها وبين شفرة دافنشي

البطلة اللي بتشاركه القصة كلها رغم إنه مايعرفهاش

الهروب والمطاردة من الشرطة والبحث بين المتاحف والأثريات

لكن في النصف التاني الموضوع بيختلف تمامًا

بيبدأ رعب الرواية دي تحديدًا يبان

وطبعًا لا غني عن جوجل في الرواية دي لأني كنت بحس برغم إن دان براون قادر يرسم لي اللي بيحصل بطريقة تخليني أحس إنه فيلم مصور مش مجرد رواية مكتوبة

إلا إني كنت بلاقي نفسي بجري علي جوجل عشان أكمل الصورة في خيالي بصورة متكاملة وده كان بيخليني مستمتعة أكتر

كم المعلومات اللي الواحد بيكتسبها من روايات دان براون غير طبيعية

حقيقي أستمتعت

أخيرًا أحب أقول يحيا البي دي أف :D