هو أية سر المنهج الجديد اللي كلة ماشي عليه ده
الرواية مش هتكون رواية وتبيع يعني ألا لما تعدي الـ 300 صفحة؟!
في روايات رائعة وحجمها مش كبير
مش حجم وخلاص المهم المحتوي
كنت متفائلة أكتر من كدة بالرواية دي
قراتها في أكتر من شهر أسيبها وأروح وأجي ولسه مش قادرة أكملها
لحد ما وصلت لـ 200 صفحة وأتشجعت أكملها لأنها كانت بدأت تشد
وده سبب أعتراضي أن تبقي الرواية طويلة ومملة مش مشوقة وتجبرك تخلصها ولما تخلصها تزعل مش تحس إنها كانت تقل عليك
في تطويل ورغي كتير وتفاصيل مالهاش أي مكان وكانت ممكن تُختصر كتيييير
النهاية فعلًا ماكنتش متوقعاها ويمكن دي اللي ريحتني إن الملل ده كله كان بنهاية مقنعة شوية
ماحبتش الرسالة الواضحة الصريحة اللي كانت في أخر صفحتين
الرسالة توصل بين سطور الرواية مش بطريقة مباشرة في اخر صفحة كدة