مراجعات أحببتك أكثر مما ينبغي > مراجعة نرمين الشامى

أحببتك أكثر مما ينبغي - أثير عبد الله النشمي
تحميل الكتاب
هل قرأت الكتاب؟
  • مراجعة جديدة
  • اقتباس جديد
  • قرأته
  • أقرؤه

    الى أين وصلت في القراءة؟

  • سأقرؤه

    هل بدأت بالقراءة؟نعم


4

جومانه شخصيتها استفزتنى بشده!!!

مش قادرة افهم هى ازاى كده

عزيز كان ناقص يضربها بالرصاص

وهى كل مرة بتسامح وبترجع!!

ده مش حب ده اسمه هوس او مرض

ده حب قلته احسن

عزيز شخصيته غامضة مش متفسرة بالنسبة لى

هو طبعا زير نساء

لكن مش فاهمه هل هو حبها اصلا ولالا

سلوكه على مدار الرواية كان غريب

كأنه بيتصارع مع الحب ده

كأنه بيكرهه

ولو بيحبها ليه مارضيش يتم الزواج ؟؟

خايف على حريته مثلا؟طب ليه عرض الجواز من الاساس وهى يعنى كانت سامحته وخلاص

هل هى الانانية والطمع والجبن من الاقدام على تحمل المسئولية

هل لانه عارف انها هتسامحه عادى بعد كده؟

اعتقد لو جومانا اكثر قوة كانت الامور تغيرت

خنوعها الشديد وتسامحها العجيب والغريب وتفريطها فى كرامتها هو السبب فى تجبر عزيز بهذا الشكل

اذا كانت سامحته بعد ما اتجوز وبعد ما سابها وفسخ الخطوبة

وكما يقال لاتسأل الظالم لما ظلمت ولكن اسأل المظلوم لما سكتت على هذا الظلم

حتى التنازل والتضحية فى الحب لهم حدود الموضوع بيكون اخذ وعطاء ولو حاجه زادت على التانية

الامر بيفشل تماما وبتكون علاقة غير صحية

زياد كنت ممكن اتقبل شخصيته كبنت لكن كولد بصراحه شايفاه اضعف مما يجب

الرواية مؤثرة جدا جدا وبصراحه انا نادرا ما تأثرت برواية كده لدرجه انى خلصتها فى قعده واحده

لكن فى الاخر بدأ يشوبها التطويل والتكرار شوية

+

فيه انفتاح زايد بالنسبة لجومانه فى الغربة لمجرد انها فى الغربة

فين القيم فين الاخلاق فين الدين ؟

حتى فى موضوع الحجاب اللى هى بتخلعه فى كندا وبتلبسه فى السعودية

وكأن الانسان بيتصرف حسب البلد اللى فيها وخلاص بغض النظر عن قناعته الشخصية!!

وكأن المبادىء بتتغير حسب المجتمع اللى احنا فيه

Facebook Twitter Link .
4 يوافقون
اضف تعليق