رأيى فى رواية عزازيل .... الرواية حلوة جدا و مضمونها حلو جدا و يوسف زيدان صاغها بشكل رائع و كنت متعجب من ان واحد مسلم زى يوسف زيدان يتعمق فى اللاهوت المسيحى بالشكل دا ... طبعا الرواية خلتنى اعرف و اقرأ عن اشخاص فيه منهم كنت سمعت زى اريوس و منهم مكنتش سمعت عنه زى هيباتيا و نسطور و الانبا كيرلس ... كنت سمعت عن المجمع المسكونى الاول بنيقية و لكن الرواية خلتنى اقرأ عنه تانى و اعرف تفاصيل اكتر عنه .... بس انا ليا بعض المأخذ على الرواية زى مثلا بالرغم من ان الرواية سردت احداث ووقائع تاريخية و حقيقية زى الخلاف بين اريوس و الكنيسة المرقسية و زى مقتل هيباتيا و زى الخلاف الذى دار بين نسطور اسقف القسطنطينية و كيرلس بابا الاسكندرية و عقد المجمع المسكونى بافسس و عزل كلا من نسطور فى المجمع المسكونى الاول بنيقية حرمانية تعاليمه و عزل كذلك نسطور و حرمانية تعاليمه الا ان الكاتب موضحش ان قصة العثور على الرقوق و ان بعض الشخصيات ليست حقيقية و من بينهم راوى القصة هيبا و مرتا و اوكتافيا.... و ايضا لى ماخذ على الرواية ان بها كتيرمن التلميحات الاباحية التى لا ضرورة لها فى الرواية الا زيادة الصفحات و ممكن نقول انه وصف الموقف بين هيبا و اوكتافيا لسرد الصراع الانسان مع شهواته و لكن ليس ضرورى ان يعيد هذه الايحاءات مع مرتا و لم يكن من الضرورى ذكر موقف الشاب الذى قابله هيبا فى بلدة سرمدة !! وصلت بيا المرحلة الى صورة الاشمئزاز من الرواية بالرغم من ان مضمونها حلو جدا و الموضوع اللى بتكلم فيه شيق و ممتع الحديث فيه و لكن بسبب وجود هذه الايحاءات الاباحية لا انصح احدا ممن اعرفهم بقرائتها.