لما جيت اكتب ريفيو عنها لاقيت ريفيو دينا نبيل بيعبر عن رايى بشكل كبير

الايجابيات

عجبتنى فكرة نادى السيارات والخدم وحستها قريبة الى حد ما من فكرة رواية 1984

وانك ممكن تتحكم فى البشر لو عرفت نقط ضعفهم

والرواية ممتعه انا قريتها فى يومين

السلبيات وهى كتير وزى ماقالتها دينا

التطويل القصة طويلة اوى رغم ان احداثها مش كتير وماشفتش لازمه لذكر قصة بنز

شيطنه شخصية الملك فاروق حسيتها دراسة سطحية ومتحيزة ضده ومش اقتنعت بيها

بس انا ماشفتش شخصية االاب والام نمطية هم مش كانوا مثاليين بالعكس كان فيه عيوب ليهم فى الرواية واضحه

وطبعا المبالغة فى الابتذال وعدم الاحترام كعاده روايات الاسوانى

--------

المشكلة ان كل المصايب دى والخدم فى النادى مستمرين فيما هم عليه وبعد ماشافوا ذل اصحابهم واراملهم ولم يؤثر فيهم بصراحه الشخصيات اللى زى دى تستحق ما تلاقيه من ذل ما تسألش الظالم انت ظلمت ليه اسأل المظلوم انت ساكت عن حقك ليه

الشخصية الجبانه والسلبية دى هى سبب وجود كل ظالم وديكتاتور

ومش عارفة ليه فى روايات علاء الاسوانى عمرى ماتعاطفت مع اى شخصية وعمرى ما تأثرت او بكيت يمكن المشهد الوحيد اللى اثر فيا موت الاب بعد موت كرامته

ولتانى مرة بعد شيكاغو بنلاقى شخصية واحده يهودية والمفروض من سياق الرواية نتعاطف معاها

تكرار الشخصية حاسه انه مقصود