كتاب لطيف عبارة عن تجميع لمجموعة مقالات في موضوعات مختلفة لكنها بتدور حول أفكار معينة زي التفكير في الأمور بشكل مختلف والنجاح وغيرهم. اسم الكتاب ومقدمته جذّابين جداً وبيدّوا فكرة عن طبيعة المقالات اللي في الكتاب . أعجبتني كتير من المقالات المكتوبة وبعضها لم يعجبني وبعضها حسيت فكرته وغايته مكررة في الكتاب نفسه بأكثر من شكل .. زي فكرة الاندماج في العمل والرغبة دائماً في الارتقاء الوظيفي اللي بتكتشف انها بتاخد منّك كل جوانب حياتك الأخرى.. حسيت الكاتب كرر الفكرة كتير أوي يمكن ده ليه علاقة بالمحيط اللي حواليه ومشاكله.. وفيه مقالات أفكارها جميلة جداً لكن كان ممكن تكون أفضل لو كانت أقصر لإن أحياناً الكاتب بيكرر عبارات إنشائية بشوفها مش بتضيف جديد للموضوع.. لكنه في المجمل كتاب ممتع وبيخلص في وقت قصير
من أفضل المقالات : النمطيّون.. لماذا يرحلون إلى مكة .. ماذا لو اختفت الدائرة (عجبني جداً نظرته المختلفة للدائرة, مقال متميّزة فعلا) ..الخائفون من الإبداع.. ماذا لو نسينا تواريخ ميلادنا؟ .. العبيد الجدد
وغيرهم