دى أول تجربة ليا مع أحمد مراد
اللى جذبنى لقراءة الرواية اراء الأصدقاء فيها وإنها الأفضل لأحمد مراد
ولذلك بدأت بها قبل الفيل الأزرق اللى فى الخطة قريباً
الرواية كانت ممتعه ومشوقة بالنسبالى من الأول للأأخر
بالرغم إن البداية كانت عادية ومفيش فيها حاجة ملفتة
بس أنا كنت حابة الزمن اللى بيتكلم عنة وكأنى شايفاه
اللى خلانى احط 3 نجوم بس سببين
السبب الأول..الألفاظ البذيئة وبعض الوصف اللى وارد يكون وجودة لسبب درامى بس أنا مش مجبرة أحبة بردو للسبب دة !
السبب التانى .. هى النهاية اللى انا حاسة إنها "بمبى" أوى يعنى
الفساد فى الحكومة وبعض الأشخاص من الشعب نفسة وغيرة مستمر
فـ بالتالى أنا مش قادرة أستوعب إن "طة" ماخدش جزاءة زى الباقيين ! بالرغم بردو إنى متعاطفة معاه من البداية للنهاية
بس النهاية حاسة إنها كانت المفروض تكون غامقة شوية عن كده اوى بنفس لون الرواية ككل حتى