الرواية في مجملها حلوة ، ان كان عندي انتقاد فهو بالتأكيد على الألفاظ والأجزاء الغير لائقة فيها وهو أسلوب غريب على قراء دكتور أحمد، معروف ان كتبه ورواياته مبتشعرش بحرج وانت بتقراها لكن الرواية دي مش كده للأسف، غير كده رواية مشوقة وممتعة، مليانة وصف دقيق للشخصيات بيخليك تتخيلهم وتعيش معاهم ، في البداية هتتوه في الاسماء بعد كده هتميزهم بسهولة، تتشابه الرواية مع يوتوبيا في النظرة السوداوية للعشوائيات، جزء الثورة شفته متناسب مع احداث الرواية وحسيت ان الرواية كلها فيها شبه من الثورة!:)
تنوع السيناريوهات في الرواية مش ممل خالص يمكن ده المميز فيها ، نسج قصص كاملة متناسبة مع كل احتمال للكلمة المكتوبة على الجدار صحيح محير لكنه ممتع، مفهمتش النهاية أوي هل البطل تخيل القصة كاملة ولا هو شاف الكلمة المكتوبة عالجدار وتخيل القصة ولا البطل أصلا جزء من أحداث قصة كتبها صديقه مراد ! لكن يكفي الاستمتاع بأحداث الرواية :)