رواية قمة في الإبداع ، رائعة بمعني الكلمة ، تستحق القراءة ، فيها عدة جمل خالدة و رؤية عميقة جدا من الكاتب ، أسلوب شيق جدا في الكتابة ، الشخصيات رائعة ، الحوار مبدع و كل جملة فيه ليها معني و غرض ، و طريقة بناء الرواية و طريق ربط الفصول الخمسة ببعضها رائعة و الختام أكثر من رائع

الرواية عبارة عن رؤية سوداء من الكاتب للمستقبل ، يمكن السبب في كده هو إنها كانت مكتوبة قبل الثورة فكان ممكن الواحد يشوف المستقبل بالمنظر ده ، لكن بعد الثورة أنا ما أعتقدش إنها ممكن توصل الحالة للدرجة دي بالرغم إن الثورة شبه باظت :) لكن بغض النظر عن نتايج الثورة فماحدش يقدر ينكر إن الثورة فكرة و اتولدت في عقول ناس كتير و الأفكار مش بتموت ، فيمكن فكرة الثورة التي ولدت في عقول ناس كتير هي التي ستحمي المجتمع من إنه يوصل لهذه الدرجة :)

في الآخر الرواية دي رائعة من جميع الجوانب و ممكن نعتبرها جرس إنذار يجعلنا نأخد حذرنا من إننا نوصل لكده :)