رواية قمة فى الإبداع

أنا عمرى ماكنت أتخيل إن فى حد ممكن يكتب عن الحاجات اللى بيحس بيها شخص تانى بالطريقة دى ، الكاتب متعمق جوه مشاعر و أفكار هيبا بطريقة فظيعة بطريقة خيالية و كإنه هو هيبا فعلا ... لدرجة إنك تصدق إن دى مخططوطات حقيقية مش مجرد رواية

الرواية حقيقية جدا و صادمة و فيها أفكاااار كتيييير جدا و تخليك تفكر كتيييير

الرواية غنية جدا جدا جدا ، كل صفحة فيها مليانة بالمعانى و التعبيرات و التشبيهات ، علشان كده أنا أخدت وقت فى قرايتها لإنى كنت مركز فيها جدا و كنت مستمتع جدا و متشوق إنى أعرف الأحداث

أنا بالرغم من إنى مسيحى لكنى ماحسيتش بأى ضيق من الرواية ولا من أفكاره التى تبدو إلى حد ما غريبة لإنى مؤمن بأن العمل الفنى مش ممكن يقاس بالطريقة دى ، و بالرغم من إنى مش متأكد من صدق كل الوقائع المذكورة فى الرواية لكب ده ما أثرش على إعجابى بالرواية

الرواية فيها مشاعر كتييير جدا متناقضة جوه هيبا ، فعلا هيبا زى ما قال على نفسه

"أنا التباس فى التباس"

هو فعلا كده

رواية ممتعة مشوقة عميقة جداااااا ، أنصح أى حد إنه يقراها