اول كتاب أقرأه عن هتلر وحسيت اني محظوظة علشان اول كتاب اقراه عن هتلر يكون من هتلر نفسه
أعجبتني شخصية هتلر جدا ورغبته الحقيقة في انه يرفع بلده ألمانيا المضمحلة من كل الجهات بسبب الحمقي اللي بيحكموها وتفشي اليهود فيها واللي هما من وجهة نظر هتلر "اساس اي شر او حاجة وحشة ف العالم كله" يعني لو قطة ماشية ف الشارع انعنقلت ف طوبة وقعت واتعورت ، اعتقد هتلر كان هيقول اليهود هما السبب :)
عجبني كمان طريقة عرضه للمشاكل اللي بتتعرض ليها المانيا ، وكتابة حلول ليها من وجهة نظره ، مكنش بيكتفي بنشر المشاكل فقط
سياسته ف التقدم حيرتني شويه ، نظرا لان التقدم وازدهار الامم عنده بيكون بالاستعمار وضم بلدان اكتر لبلده
وطريقته ف تنفيذ احلامه اللي ترسخت جواه من صغره متفقتش معاها ، بس ساعات بتعاطف معاه نظرا لانه كان عايش ف مجتمع بيطبق السلام الزائف اللي هو "تبقي ماشي مكسور ومقتنع انك كدا بنطبق معاهدات السلام" ، فكان العنف والسادية حل كويس بالنسبة ليه
وطبعا منساش ان كلامي دا مترتب ع الكلام اللي كتبه هتلر ف كتابه ، لاني أُعتبر بشوف ألمانيا ف الوقت دا بعين ووجهة نظر هتلر :)