مراجعات رواية ان - ثم لاشيء بعد ذلك

أن تسمع رواية ( آن ثم لاشئ بعد ذلك ) للكاتب محمد صادق يعني مانه ينتظرك ٩ ساعات من المتعة الخالصة سواء في الرواية نفسها أو الإخراج الإذاعي الذي كان مميزا جدا واهتم

بالتفاصيل لأكبر درجة وبشكل لم أصادفه من قبل.

اختيار أصوات الشخصيات،دمج الاصوان الحقيقية بأصوات الذكاء الاصطناعي بشكل يصعب التفريق بينهما، المؤثرات الصوتية، النقلات بين كل مسمع، موسيقى الخلفية، الحفاظ على الاصوات في خلفية المشهد، الأغنية الماستر وإعادة غنائها بشكل معاصر، الخروج الآمن بالمستمع من جو الرواية وأحداثها بوضع تراك الأغنية والموسيقي في النهاية كل هذا وأكثر جعلني أشاهد فيلما سينمائيا عبر الأثير.

ختام أعمال السنة بالنسبة لي هو آن ..ثم حقا .. لاشئ بعد ذلك.

أنا ونفسي 💙

#Heba_Elzahhar_reading

#مسابقات_مكتبة_وهبان

#اسمع_معايا_رواية_آن_على_أبجد

#أبجد

‏اقرأ الكتاب على @abjjad عبر الرابط:‏****

#أبجد

#آن_ثم_لاشيء_بعد_ذلك

#محمد_صادق

Abjjad | أبجد

مكتبة وهبان

الرواق للنشر والتوزيع - Al Rewaq Publishing

لا احب ان اكتب عرضاً عن الروايات لأني لا اقرأ حتى لا تحرق لي المفاجأة فيها.. ولكني اريد ان اقول.. أن من النادر أن اعطي خمسة نجوم للروايات الا تلك العظيمة منها وتكون بمستوى ديكنز ودوستويفسكي و تولستوي وماركيز وأشباههم.. ولكن محمد صادق اجبرني على ان امنحه النجوم الخمسة لأني اعتقد ان ليس من السهل أني أنسى هذه الرواية رغم التناقضات واللامنطقيات الكبيرة فيها.. ولكن هذا هو دور الكتابة.. هو ان تمزج جميع التناقضات وتلوي اللامنطقيات وتجعلها طوع امرك لأنتاج شيء مذهل.. ربما سيأتي من يقول ان امثال هذه الرواية الرومانسية مضى وقتها وكبرنا عليها.. ولكن ، هل عرفت البشرية النوع الادبي الا عن طريق الحب؟!

ومن كان يقرّب البعيد ويناجي الحبيب غير الادب الرومانسي؟! والذي زاد من روعتها هو الفيلم الصوتي، انا مندهش جداً لهذا اللون الرائع من التقديم للقراء

أحيانًا بنشوف حقيقة نفسنا في عيون اللي قدامنا وبنرفض نصدق إن ده إحنا... بنرفض حاجات كتير في تبرير مننا إننا مينفعش "نبان" كده... في حقيقة الأمر إحنا بنرفض نبان عكس ما احنا عاوزين، بنخدع نفسنا عشان غيرنا يصدقنا... بس بصراحة إن العالم الكبير ده مش مهتم. وكالعادة هنفوق بعد الآوان بآوان... أو نفوق في آن لا يأتي بعده خداع.

الكاتب محمد صادق كالعادة بيدخل جوا مشاعرنا ويحركها زي ما هو عاوز، ملحمة بتبدأ وتنتهي في 4 ساعات فقط... 4 ساعات مصائر شخصيات كتير بتتغير فيهم، وحقايق كتير بنكتشفها في نفسنا، رواية مؤلمة ومحزنة ع المستةى الشخصي ورائعة ع المستوى العام، كنت محتاجها في الفترة دي، وكنت حريص إني مخلصهاش بسرعة لأني مكنش عاوز أخرج، مكنتش عاوز أوقف بُكا.

دائما ما يبهرني الكاتب مجمد صادق بكتاباته، فمنذ سمعت رواية الان فليبدأ العبث وانا انتظر ان اسمع له رواية اخرى ونحقق هذه المرة عن طريق ابجد. طريقة الغوص في المشاعر الانسانية بلا اسهاب او ملل وتسارع الاحداث فعلا حرفة يمتاز بها محمد صادق، لك مني كل التحية. تحياتي للاخراج الدرامي واصوات الشخصيات جميعا كانت مقنعة جدا واجادت ادوارها، لقد احسست بكل مشاعركم وتخيلتكم بوضوح. فقط مع كل احترامي للراوي ولغته الصحيحة الا انه يتفوق في سرد المواضيع او الكتابات الاخرى غير الروائية التي تحتاج الى تفاعل في الاداء مع الرواية فالبعد بين مستوى انفعال الشخصيات ورتابة الالقاء سببت نوع من عدم الانسحام وفصلان مفاجىء عن حالة الانصات. تحياتي للعمل الرائع

بصراحة أنا في الأول قرأت الرواية من باب الفضول وكنت عارفة أنها مش هتعجبني قوي أو مش هكون متأثرة بيها، وكان في أكتر من نقطة سلبية في دماغي كنت بفكر فيهم قبل ما ابتدي الرواية وكنت متأكده اني هلاقيهم.

الحمد لله الرواية كانت مخالفة للتوقعات ومش هقول عجبتني لكنها أثرت في مشاعري بصراحة اللي هو أنا عايزة حد يلحقني بمناديل دلوقتي عشان خلاص مش قادرة وهعيط. وعجبني تناول المشاعر المختلفة الصداقة، الحب، الوفاء، الغيرة، الألم، اللخبطة كلها حاجات بنمر بيها ومش بنكون قادرين على وصفها ولا قادرين على تحملها. ويمكن أكتر حاجة بشوف انها بتوصف الرواية دلوقتي هي مقولة " الحقيقة لها ألف وجه" احنا اللي بنختار نشوفها ازاي؟!

لو حد بيقرا الريفيو ده ولسه مبدأش قرايه أحب أقوله انت داخل علي روايه رهييييييبه ❤️❤️❤️❤️ أولا مفهاش لحظه ملل أنا ف يوم واحد خلصت 350 صفحه من جمالها ومش عارفه أنام والله ولا عارفه اسيبها من أيدي من الاحداث المشوقه اللي فيها ❤️❤️❤️ الروايه دي فيها كم صدق وكم مشاعر حقيقيه رهيييييييب من زمان آوي مقرتش حاجه بالجمال والصدق ده والله 🩷🩷🩷🩷🩷

ضحكت، ابتسمت، و بكييييييت حتى احمرت عيناي

شعرت بالخوف و سمعت في أذناي دقات قلبي… عشت مع الرواية بكل تفاصيلها و احببت كل شخصياتها ( صحيح انه يمكنني انتقاد بعضها و تصرفاتهم لكنني في "مود" يرد ان يذكر الإيجابي فقط) رواية جميلة جدا اشكر الصدفة اللتي جعلتني اقرؤوها مؤمنة أنا جدا ان الكتب هي من تختار قارئيها 🤝

انتهيت من قراءة الرواية في ليلة كامله مليئة بالأحداث و التأثر بها

فكل رواية يكتبها محمد صادق اعيشها بين ثنايا حروفها فهو بحق كاتب بارع يسن قلمة بالمشاعر و ارواحنا

السؤال الان الذي يدور بخاطري

هل هناك رواية تضاهيها و تاخذني مثلما اخذتني آن؟

منتظرة من الان القادم من ابداع

احببت الرواية وان لم اكن من هواة الرومانسية والحب لكن احببت ماالقي من ضوء علي العلاقات الاخري ،احببت كيف اظهر الكاتب الشخصيات والخلفيات النفسية وكيف ان بعض الشخصيات كان هناك تطور جيد وسئ امتدادا لواقع الحياة ،شعرت باستطراد في الوصف في بعض الأحيان.

كتاب دسم رواية امتصتني جواها ولغاية دلوقتي عايشة وموجودة مع شخصياتها واحداثها بس هي عادت الكاتب في كل رواياتي انة دايما شخصيات ليها تاريخ في روايات سابقة هو بيحب يربط رواياتي ببعض لأنهم فعلا الشلة وشخصيات حقيقية في حياتة

رواية مميزة كعادة محمد صادق ،لكن النهاية مثيرة للجدل وانتهت بهدوء غير مناسب لكل التفاصيل الخاصة بالشخصيات ولكن شخصية ياسين كانت كالبلسم الشافي ،تمنيت لو طالت تفاصيل النهاية وتحملت كل شخصية نتيجة افعالها بشكل مفصل أكثر .

"شكرًا لجنونكم الذي يجعلكم تقرؤون لمجنونٍ مثلي…"

وانتهت #آن بهذا الشكر من كاتبها لقُرائه.

شكرا لجنونك أنت ❤️

التقييم ٥/٥، مفيش ريڤيو...فقط تصفيق حاد مُتصل 👏👏 وانحناءة تقدير وإجلال 🫡

‏

اسلوب الكتابة مشوق جدا، احداث سريعة وتطورات تحبس الأنفاس من اول صفحة ولحد آخر القصة.

مجموعة من الأصحاب، كلهم يجمع بينهم شيئين مميزين، التوهان والظلم، كلهم تايهين مش عارفين دواخلهم صح، كل واحد ماشي في طريق من غير مايعرف هو ده الطريق اللي شبهه ولا دا طريق مش طريقه مع ان كل واحد فيهم اختاره بنفسه. كلهم يجمع بينهم الظلم، ما بين ظالم لنفسه أو ظالم لشريك حياته، او الاثنين معا، والأغلب فيهم ان الظلم ده من غير وعي او احساس بتأنيب الضمير.

كل ملهي في ضلال الطريق حتى يأتي يوم الفواق، يوم فرح سارة، وهو أيضا يوم وفاة ياسين، ليكون اليوم الفارق في حياتهم جميعا الي تتم فيه وقفة مع النفس، وحساب عسير يعطي كل منهم فرصة لتصحيح المسار والمضي الى طريق جديد قد تكون فيه النجاة، والحياة.

محمد متولي

لسه مخلص الرواية وبجد جميلة اوي والأحداث اللي فيها خلتني ماسك الرواية مش عارف اسيبها ومتأثر بكل الأحداث اللي بتحصل لشخصيات وكمان كنت متوقع ان هيكون في ربط بين الرواية دي ورواية قديمة بس متخيلتش هيبقي بالشكل ده الموضوع كبر كله موجود هنا انت وبضع ساعات في يوما و الداما الموضوع مش سهل خالص وفي تفاصيل كتير والواحد مبسوط وهو بيقرأ كل حاجة ❤️👏

الرواية ممتعة و حماسية كأنها فيلم، ما قدرت أوقف قراءة، أنا أعتبر قارئة بطيئة فيوم شفت القصة قلت اني مستحيل أخلصها ، لكن من كثر ما الرواية مشوقة خلصتها بسرعة.

بس في عيب واحد في الرواية و هو انها تحسس القارئ ان كل الأشياء الغلط عادية، فأتمنى ان ما تكون الروايات القادمة هكذا

حسيت الكاتب عاوز الرواية علشان يعمل جزء تاني من الفيلم ليس إلا

أحداث مقحمه ومافي بعد نفسي للشخصيات

حسيت ان بيفرض علينا أفعال الشخصيات علشان حدث او حدثين في حياتهم

سارة وأمل وريم ويسرا ومحمد اسماعيل وحتى علي شخصيات مش حقيقيه .. بسبب اقحام الكاتب للتروما كتبرير لافعالهم وان الكاتب مش عارف خط سيرهم هم أشخاص كويسين او لا بس الطبيعي ان الشخص الكويس بيكون محيطه كويس برضو .. بيغلط اي نعم بس بحدود بس مش كل المحيط بيغلط وبيجيب اخر الغلط ومصر يعيش في الغلط وبيبرر الغلط بان جوانا كويس وجوانا وحش .. احنا فعلا مش ملايكه بس ما بنشارك اغلاطنا وخيباتانا ومعاصينا على الملا .. الرواية فشلت جدا في انها تدهشني..

هو هينجح في انها ممكن تكون جزء تاني للفيلم بس ع الورق رواية تتقرا مرة وحده بس مش اكتر .. مشي زي هيبتا ابدا ..

وفي استهلاك جدا لأسماء الفصول بطريقة مملة

كانى قريت الرواية قبل كده . أحداث مشابها او طريقة السرد مش جديدة . الاكيد ان كنت عارفة ياسين فين من الاول . نهاية الرواية مكانتش صادمة لانى حسيت انها هتحصل بس لما حصلت دموعى نزلت . كان بتفرج عليها بتحصل قدامى . الرواية فيها مشاكل نفسية كتيرة بتعبر عن مختلف الشباب و البنات بس احلى حاجة فيها الكبار. وجود الكبار فى القصة و تصرفاتهم حتى لو اختلفنا عليها بس فى النهاية وجودهم فرق .

اعتقد من غير فلسفة كتير دي من اسوأ الروايات اللي قريتها ، لغة ضعيفة جدا و احداث كلها صدف و توقيتات محسوبة بالمللي بتضعف جدا من الاحداث دا غير طابع المراهقة اللي مسيطر عالرواية و عدم منطقية احداث كتير و حتى ال plot twist كليشيه جدا و الصراحة الرواية ككل مستواها ضعيف جدا

من الروايات اللي كنت بتخيل كل مشهد فيها قدامي المشاعر فيها كانت قويه جدا خصوصاً الفصل اللي بنكتشف ان ياسين مش موجود

تفاصيل كتير فيه كانت حلوة

ممكن تعليقي او اللي ضيقني شويه بعد التجاوزات ف الالفاظ

وصلت لصفحة ٨٣ ووقفت مش لان الأسلوب ممل ولا لأنها مش مشوقة بل لان الأخلاق ضايعة والألفاظ سيئة واستغرب ان كاتب عنده قدره على خلق عمل فني جميل ومتكامل ويشهدله يبدله بحاجة مبتذلة

ال يقولك اقرأ وخلاص بدون ما تقف وتقول لا لحدود واضحة يبقا عاوز فكرك يُلوث ويصبح الحرام عاديًا والألفاظ النابية روشنه والرذيلة انفتاح

مدخلاتنا=افكارنا

وانت نتيجتها وتفاعلك مع واقعك نتيجة كل ده

مترميش كل ده لأجل متعة