مراجعات رواية المسافر صفر - الدقائق الثلاث الأخيرة قبل الكارثة

تبدأ الرواية برجل بيصحي علي صوت امراة هادئ و بعد ما بيقوم بيتفاجأ بشيء في منتهي الغرابة!!

ان دا مش بيته .. ودي مش مراته ولا حتي واحدة يعرفها .. بل و دا مش شكله دا كأنه كبر ٢٠ سنة مثلا .. و كمان دا حتي مش زمنه!!!

ف يا تري دا معاناه ايه

و مين هما جماعات او فرق (ندفة الثلج ) .. مين شريف القاضي

مين الي يطلق عليه المسافر صفر من الأساس

وايه علاقة السفر عبر الأزمنة بالعمل دا؟

الأسئلة دي بصراحة معنديش لها أجابات و دا لاني بصراحة لم أتمكن من قراءة العمل للأخر

وهقول ايه السبب في الشرح تحت👇

اللغة و سرد في العمل ممتازين وليس عليهم غبار بالنسبة لي، لغة سهلة .. بسيطة تليق بجو العمل الي مش محتاج استعراض عضلات او تعقيدات لغوية كفاية التعقيدات الفزيائية الي فيه اصلا😅

اسلوب السرد يستاهل سؤال مكون من ( هو ازاي الكاتب عرف يكتب رواية زي دي؟🤨🙃)

بمعني ايه؟

بمعني ان فصول العمل عبارة عن قفزات زمنية من ٢٠١٨ لـ ٢٠١٥ لـ ١٩١٢ و غيرها من التواريخ

و أزيدك م الشعر بيت ( الشخصيات)

شخصيات العمل يا صديقي كتير اووي اوووي

و كلهم (حتي الفرعي منهم) خد من بنائه و تصميمه ما يكفي ليكون شخصية 3D غير مسطحة..

ف شخصيات كتير و كلهم متصممين كويس وكمان في منهم الي بيظهر بشكل مختلف و عمر مختلف و دوافع مختلفة ( لأننا بنشوف احداث في كذا زمن ) ف دي عبقرية بحتة

و النجميتن الي قيمتهم للعمل اصلا للشخصيات و السرد فقط لا غير .. لأني فعلا مجهود الكاتب واضح اوووي

ضيف عندك كمان سينمائية عالية اوي👌

طب ليه بقا بعد كل الإجابيات دي مكملتش العمل

وهو لأني وبكل بساطة و دي من اول مرة اعمل في نفسي كدا ( انا مش بحب نوع الخيال العلمي خالص) لا في ادب ولا حتي سينما

عشان كدا فعلا مش حابب الاجواء مش حابب الحبكة (التي لم تكتمل طبعا)

فتحت اعمال خيال علمي كتير و سبتها برده

ف المشكلة هنا فيا انا مش ف العمل ٱطلاقا

العمل دا اصلا عبقري و فلتة

و احترمته اكتر لما عرفت انه اول عمل للكاتب

ف براڤو حقيقي

الخلاصة..

عمل يعتبر كنز لمحبي هذا النوع من الاعمال، شخصيات ثلاثية الأبعاد.. احداث معقدة و سفر في الزمن و كدا.. مشاهد سينمائية

هتتبسط

لكن لو زي اخوك ملكش في الـ sci-fi مش هتقدر تكمله لأنه كمان ٥٥٠ ص🤪

انا الي خلاني اول في لحد ٦٣٪ المميزات الي ذكرتها فوق، غير كدا كنت قفلته من اول فصل..

رائعة اووووي

ت