اقتباسات من كتاب شد الفيشة

مفيش (لازم أوصل) مفيش (قيمتى باللي حققته) قيمتك الحقيقية هي ذاتك، أخلاقك وروحك، ذاتك هتلاقيها بالكيف مش بالكم ,المعيار الحقيقى هو حقيقتك انت، متجلدش نفسك لو لحد دلوقتى ملقتش الحاجة اللي بتحبها ومعرفتش انت عايز ايه، متنتقدش نفسك عشان اللي حواليك سابقين، انت في طريقك والأهم من الوصول انك فعلا تختار الطريق الصح من الأساس لان في طرق مفيهاش رجعة…

ذاتك هتلاقيها في الرحلة مش في واجهة وصولك، اوصل لروحك لأن روحك هي ذاتك ويادوب أحلامك جزء بسيط منها وتحقيقها من عدمه مش هيقيمك، اللي هيقيمك هو مدى نقاء روحك وسلامك الداخلي، شد فيشة دماغك عن تقييم ذاتك بمبدأ الكم مش الكيف، لأن الوصول لسلامك الداخلي هو أعظم وصول.‏

اسلوب رائع مبهج بسيط يصل الى قلب القارئ

‫ ‏انت مش محتاج تثبت حاجة لحد ولا اتخلقت عشان توصل, انت اتخلقت بس عشان تسعى.

العالم بقى يوديك نحو المثالية، عايزاك توصل للمثالية، بس يا ترى الثمن إيه؟‏

"جميع برامج تطوير الذات تبدأ من تقييم الجوانب السلبية والبحث عن العيوب والنواقص، ذلك بهدف التعامل معها لاحقًا، لكن القليل جدًا من المدربين يهتمون بمتى يجب أن تتوقف عن هذا البحث، متى يجب أن تكسر مرآة النقص هذه وتتابع حياتك كما يجب، دون أن تبحث عن نقص جديد، دون أن تدمن تعديل السلوك وتطوير الذات، دون أن تصبح ناقدًا قاسيًا لذاتك لأنك تريدها أن تكون أفضل".‏

المشكلة أن التنمية البشرية النسبة الأكبر فيها متمحور حوالين الوصول لاحلام كبيرة وانك أزاى تحقق حلمك على ارض الواقع في حين ان في خطوة أهم وأكبر لازم تكون مشيتها قبل ما تقرر انك تمشى في طريق النجاح وهي أنك تمشي ناحية حقيقة ذاتك وروحك.. امتى تمشي وامتى تقف، امتى تهدي السرعة وامتى تجري بأقصى سرعة عندك، امتى ترتاح وامتى

انت مش شبه حد، ولا حياتك وظروفك هي هي نفس حياة اللي حواليك، مافيش صح وغلط، فيه حياة مليانة بالاختيارات -اللي أهم حاجة ما تكونش بتغضب ربنا- كل اللي انت محتاجه إنك تشد الفيشة من دماغك وتفصل عن كل اللي حواليك وتعرف انت مين، قدراتك إيه وعايز إيه، مش شرط تكون زي أحمد اللي عمل مشروع كسر الدنيا، عادى انت ممكن تكون محمد الموظف اللي يومه روتيني وبيرجع يترمي في حضن ولاده وبيته، وممكن تطور مهاراتك وتزود من قدراتك وعلمك ومعرفتك من غير ما تخاطر بكل حاجة في إيدك عشان بس الناس تشوفك ناجح، لأن كده كده الناس هتشوفك بعينها

" الإيجابية السامة بتتطلب من صاحب المشكلة انه يكون ايجابى بالرغم من أي تحدى وصعوبات هو بيمر بيها وبتجبرهم بصورة غير مباشرة انهم يبطلوا التعبير عن مشاعرهم أو عن طلب دعم اجتماعى من اللي حواليهم "‏

‏"اظهر كما أنت وكن كما تظهر" جلال الدين الرومي.‏

تخيل صايم وجعان وعديت من قدام كبابجي ريحة الشوي اللي على الفحم طيرت عقلك منك وخلتك تسمع صوت الأذان اللي فاضل عليه لسه ساعة، وبطنك طلعت صوت أزيز الجوع، وتخيلت نفسك بتاكل الكباب مع سلطة الطحينة في عيش بلدي سخن،

أكيد حصل شوية تغيرات في شخصيتى وفي طريقة تفكيري، ودي حاجة طبيعية جدًا وكنت مهيأة نفسي ليها، لأن مافيش حد بتعدي عليه الأيام من غير ما تغير فيه بس اللي دايمًا كنت بحاول أعمله وأشجع الناس عليه، إننا نحافظ على الحلو اللي جوانا مهما الظروف اتغيرت و مهما الناس بقت وحشة من حوالينا.