اقتباسات من كتاب 364 يوم سعادة

لو عملت المعروف وانت مستني رده فاعرف إن دا اسمه مصلحة مش معروف.

تقبلك لغيرك رغم اختلافه يعتبر أهم قواعد الاحترام المتبادل.

خلقنا بأذنين وفم واحد.

‫ عايز تتكلم صح؟!

‫ اتعلم إن وقت النقاش كل ما تسمع وما تتكلمش، كل ما تفهم أكتر وتتجنب المشاحنات.

‫ اسمع، دوّر الكلام في راسك، اسأل، اتأكد إنك فاهم صح، كوّن رأي، وبعدين اتكلم.

أصعب حاجة تعملها في إنسان تعشمه وتسيبه وقت احتياجه

فيه ناس كدا عشان تنال رضاهم محتاج تاخد دكتوراة في التعامل وتقدم طلب موقّع من اتنين ملوك سابقين ومختوم بختم التنين المجنح، الناس دول تلاقيهم حاطين لك قوانين لتقشير البطاطس قبل تحميرها، وبيحاسبوك على طريقة مسكتك للتليفون وإنت بترد عليهم. المشكلة مش هنا، المشكلة الحقيقية لما تكون مقتنع إنك ممكن في يوم من الأيام تنول رضاهم.

الابتزاز العاطفي باختصار شديد هو التلاعب النفسي اللي بيتعرض له شخص من شخص تاني عن طريق التهديد أو العقاب أو السيطرة.

اعرف إن خسارة واحد من الناس لا تساوي أبدًا خسارة الناس.

انتبه من الشعرة اللي ما بين التوضيح والتبرير.

شارك غيرك لكن في نفس الوقت خلي عينك على صندوق خصوصيتك اللي بتقفل عليه مناطق حياتك اللي ما بتكونش مباحة لأي حد، واللي ما بتسمحش لحد يتحكم فيها أو يفسدها، فالناس ما بيقدروش يفسدوا شيء هم مش عارفينه.

تقدر تعتبر جسمك مرايا لنفسيتك.

‫لما تلاقي نفسك مسترسل في أفكار مغلوطة.. قاطع نفسك.

‫لما تلاقي نفسك اتسحبت في تفكير سلبي لأحداث انتهت.. قاطع نفسك.

‫لما تلاقي نفسك غرقت في تخوفات من صنعك وما لهاش أي أساس.. قاطع نفسك.

‫لو لاقيت إن دماغك أو مشاعرك ودوك مكان ضد قيمك ومبادئك.. قاطع نفسك.

‫٧٥

مستوى سعادتك هيزيد كتير لما تعرف تفرق بين اللي إنت عايزه واللي إنت بجد محتاجه.

البكاء ما هو إلا نوع من أنواع التطهير النفسي اللي لو كتمته وتخطيته وعملت نفسك مش شايفه يمكن يضرك أكتر ما ينفعك.

شئنا أم أبينا هيفضل التكيف نعمة إلا في حالة إذا كان ثمنه التخلي عن مبادئ أو قيم مهمة، أو إذا تخطى مرحلة التكيف وتعداها ووصل لطمس هوية وإخفاءها. هنا بس اقف.. راجع نفسك.. احسبها كويس.. خد قرار.

مش عيب إنك تكلم نفسك، بس لما تيجي تكلمها ما تنساش تديلها احترامها كدا وتحبها وتقدرها وما تقساش عليها، كلمها حلو.

‫ كلمها.. بالراحة.

❞ اِدي لنفسك هدنة

⁠‫كتير مننا بيتخانق مع نفسه ويدخل في صراع بينه وبينها، وفي الآخر بيلاقي نفسه في دايرة مفرغة ما بين خيارين: أنتصر وأهزم نفسي ولّا أنهزم فنفسي تنتصر؟! محير نفسك ليه؟ وقف صراعك.. رتب أوراقك.. راجع نفسك.. خطط تاني.. ❝

دوّرش على السعادة

‫ عمرك كنت عارف مكان حاجة ودورت عليها؟

‫ جرت العادة على إننا بندوّر دايمًا على المفقود، فطول ما إنت بتدوّر على السعادة ( فهذا يعني أنها مفقودة،لا تبحث عنها ،عشها)

اعتبروا كلمة FAIL في اللغة الإنجليزية: (First Attempt In Life) المحاولة الأولى في الحياة. هنخلي كلمة فشل: فيه شيء لسا ما اتعملش

في ثقافتنا مقولة بتقول أكبر منك بيوم يعرف عنك بسنة.. انساها.

‫ ممكن تبدلها بسابقك بسنة عشان اجتهد عنك بيوم.

عايز تفكر فكر الناجحين؟

‫ ما تبصش أصلًا على الكباية، وما تستناش حد يملاها لك، واعرف عايز تملاها إيه وإزاي؟!