اقتباسات من كتاب 364 يوم سعادة

التقبل ما هو إلا إقرار بالرضا يتبعه راحة.

‫من مدمرات السعادة: أن تفعل بلا تفكير، أو أن تفكر بلا فعل.

لكن السعادة شيء مختلف من شخص للتاني، ومطلوب منك تفصّل سعادتك على مقاسك مش على مقاس الناس اللي إنت شايفهم سعداء.

‫ مش مطلوب منك وقت الأزمة إنك تكون مبسوط وبتضحك، إنما سعادة الأزمة في وعيك إنك تقدر تتخطاها،

مش لازم تكون طيب عشان كل الناس تستاهل تتعامل بطيبة، لكن إنت طيب عشان إنت تستاهل تعيش بقلب طيب.

لو عملت المعروف وانت مستني رده فاعرف إن دا اسمه مصلحة مش معروف.

تقبلك لغيرك رغم اختلافه يعتبر أهم قواعد الاحترام المتبادل.

خلقنا بأذنين وفم واحد.

‫ عايز تتكلم صح؟!

‫ اتعلم إن وقت النقاش كل ما تسمع وما تتكلمش، كل ما تفهم أكتر وتتجنب المشاحنات.

‫ اسمع، دوّر الكلام في راسك، اسأل، اتأكد إنك فاهم صح، كوّن رأي، وبعدين اتكلم.

أصعب حاجة تعملها في إنسان تعشمه وتسيبه وقت احتياجه

فيه ناس كدا عشان تنال رضاهم محتاج تاخد دكتوراة في التعامل وتقدم طلب موقّع من اتنين ملوك سابقين ومختوم بختم التنين المجنح، الناس دول تلاقيهم حاطين لك قوانين لتقشير البطاطس قبل تحميرها، وبيحاسبوك على طريقة مسكتك للتليفون وإنت بترد عليهم. المشكلة مش هنا، المشكلة الحقيقية لما تكون مقتنع إنك ممكن في يوم من الأيام تنول رضاهم.

الابتزاز العاطفي باختصار شديد هو التلاعب النفسي اللي بيتعرض له شخص من شخص تاني عن طريق التهديد أو العقاب أو السيطرة.

اعرف إن خسارة واحد من الناس لا تساوي أبدًا خسارة الناس.

انتبه من الشعرة اللي ما بين التوضيح والتبرير.

شارك غيرك لكن في نفس الوقت خلي عينك على صندوق خصوصيتك اللي بتقفل عليه مناطق حياتك اللي ما بتكونش مباحة لأي حد، واللي ما بتسمحش لحد يتحكم فيها أو يفسدها، فالناس ما بيقدروش يفسدوا شيء هم مش عارفينه.

تقدر تعتبر جسمك مرايا لنفسيتك.

‫لما تلاقي نفسك مسترسل في أفكار مغلوطة.. قاطع نفسك.

‫لما تلاقي نفسك اتسحبت في تفكير سلبي لأحداث انتهت.. قاطع نفسك.

‫لما تلاقي نفسك غرقت في تخوفات من صنعك وما لهاش أي أساس.. قاطع نفسك.

‫لو لاقيت إن دماغك أو مشاعرك ودوك مكان ضد قيمك ومبادئك.. قاطع نفسك.

‫٧٥

مستوى سعادتك هيزيد كتير لما تعرف تفرق بين اللي إنت عايزه واللي إنت بجد محتاجه.

البكاء ما هو إلا نوع من أنواع التطهير النفسي اللي لو كتمته وتخطيته وعملت نفسك مش شايفه يمكن يضرك أكتر ما ينفعك.

شئنا أم أبينا هيفضل التكيف نعمة إلا في حالة إذا كان ثمنه التخلي عن مبادئ أو قيم مهمة، أو إذا تخطى مرحلة التكيف وتعداها ووصل لطمس هوية وإخفاءها. هنا بس اقف.. راجع نفسك.. احسبها كويس.. خد قرار.

مش عيب إنك تكلم نفسك، بس لما تيجي تكلمها ما تنساش تديلها احترامها كدا وتحبها وتقدرها وما تقساش عليها، كلمها حلو.

‫ كلمها.. بالراحة.