مراجعات رواية جريمة العقار 47

رواية جريمة العقار ٤٧ للكاتبة نهى داود👀

ده مش ريڤيو دي مجرد دردشة كدة .. الرواية دي انا مسكتها خلصتها في ساعتين من كتر مانا مش قادرة اسيبها..

تصينف الرواية ايه؟

جريمة؟ فانتازيا؟ اجتماعي؟🧐

هي بصراحة كل ده..

جريمة بدون مشاهد عنيفة ولا دم مقززة..

فانتازيا بدون مبالغة وكمان الفكرة كان ليها هدف قوي

اجتماعي.. مابين جو التشويق والإثارة والخيال الكاتبة حطت كمية رسايل بشكل غير مباشر عن الأسرة والأطفال في سن المراهقة وطريقة التعامل معاهم..

حقيقي هو عمل مكتمل الأركان بدون ولا لحظة ملل..

فكرة الجريمة جايز مش جديدة لكن توظيفها كان رائع بصراحة👍❤️❤️

لغة بسيطة مفيهاش أي تعقيد تليق بالعمل والمود الحاص بالقراءة❤️

وصف مشاعر متوازن بدون مبالغة..

رسم شخصية صفاء ونيللي كان عميق جدًا وحبيت لغة الحوار بينهم👏👏

في النهاية الرواية حلوة جدًا وبرشحها لأي حد بيحب الأقلام القوية اللي اكتشفتها متأخر🥺❤️❤️❤️

Noha Daoud

رواية مختلفة مليانة صراعات نفسية ومشاعر وخلافات

واقعية بدرجة كبيرة لكن بتنبهنا لكام حاجة

١- عبروا عن مشاعركم للي بتحبوهم وابذلوا جهد في علاقاتكم خاصة علاقاتكم الأسرية، وعلموا ولادكم يكونوا أقوياء وقادرين يواجهوا الأذى أو في أضعف حالاتهم يصارحوكم ويستعينوا بيكم.

٢- سيدنا عمر بن الخطاب رضي الله عنه قال (عاملوا الناس بما يظهرونه لكم، والله يتولى ما في صدورهم)

على اد ما فكرة معرفة حقيقة مشاعر اللي ادامك مغرية وممتعة، لكن المعرفة زي أي حاجة في الدنيا لو زادت عن حدها تنقلب لضدها وتعمل مشاكل.

٣- مش كل اللي بتشوفه حقيقي، في ناس كتير بارعين في التمثيل وادعاء الظلم والاضطهاد من اللي حواليهم وهما في الحقيقة شرير الحكاية.

وختامًا أبدعتي يا نهى وإلى لقاء جديد في عمل جديد بقلمك.

حلو اووووي خلصته ف ليله تقريبا 😍😍😍😍. قريت نصه نمت حلمت بيه صحيت كملته 🩷🩷🩷 روايه لذيذه لغتها سلسه وشيقه وفي منتهي الجمال ولغز سهل حليته ف الربع الأول م القصه تقريبا واعتقد الكل هيعرف يحله من نص القصه لإنه سهل ❤️❤️❤️❤️

اوفر دوس فانتازيا رواية حلوة جدا و حليت لغزها ف نصها ظنوني طلعت ف محلها👌

طريقة السرد حلوة اوي مش مملة كده بالعكس داخل فيها طريقة كوميديا كده حببتني الرواية اوي

رواية متميزة قدمت فيها الكاتبة مزيج متجانس من الجريمة والعلاقات الانسانية والخيال العلمي

رواية ممتعة ومشوقة تستحق القراءة

كعادة الكاتبة نهى داود دائماً تبهرنا برواياتها الاكثر من رائعة التي تأخذك في رحلة من التشويق والاثارة

قلوب خضراااا كتير على قد سعادتى بالرواية الجميلة دى 💚💚💚💚💚💚💚💚

روايه فيها فكره حلوه

والاحداث غير متوقعه

الاسلوب مشوق جدا وجميل

في "جريمة العقار ٤٧" بتاخدنا نهى لحتة جديدة ومختلفة عن أعمالها السابقة وهي المشاكل النفسية عند البطلة، ونتيجة ده على علاقاتها بالناس ، المشاكل بين الأزواج و بين الأهل و أولادهم...

في روايات نهى كلها حتى الآن بنشوف بطلة ، ونشوف علاقاتها مع الناس ومن خلال ده بنشوف تحديات بتواجه المرأة في مختلف مراحل حياتها

جزء المشاعر ده عجبني قوي عجبني توظيفه جوة الرواية، عجبني تطور الشخصيات ، عجبني قوي علاقة صفاء ببنتها ❤️

الجزء الخيالي في الرواية وده جديد برضه على نهى وهو الأطياف وال GPS عمل جو فانتازي شوية في الرواية لذيذ ومختلف

أول قراءة لي لنهى داود .. الفكرة مبتكرة وخط سير الأحداث محدد ؛ تتابع من خلاله قصة أساسية واحدة بتفرعاتها المميزة التي لا تشتث انتباهك وتركيزك مع الألوان ودلالة العلامات .. الشخصيات أيضاً صيغت بطريقة بسيطة واقعية للغاية، تجعل من السهل التعايش معها ومتابعة ما حصل لها عن قرب .. عتبي البسيط على النهاية يكمن في كون قفلتها سريعة قليلاً وإن تم تدارك ذلك في آخر صفحتين ..

أول قراءة لنهى داود .. وقطعا لن تكون الأخيرة ..

ثاني قراءة للكاتبة نهى داود بعد جثتان والثالثة تحت قدمي

رواية خيال علمي ونفسي وبوليسية بشكل اقل بنفس الوقت ، السرد في الرواية ممتاز تقلب الصفحات بدون ماتشعر يعاب عليها كثرة الحوارات ، الشخصيات قليلة ومركزة بشكل كبير اعجبني اسلوب الام مع بنتها نيللي ، فكرة الاطياف ومرضها النفسي كانت جميلة ولكن النهاية كانت اقل من المتوقع ، رواية ممتعة

أدب بوليسي بنكهة جميلة، الأسلوب اللغوي جميل، أما منطق حل الجريمة فهو لا بأس به من باب التغير، ولكن ليس الأفضل، باعتقادي الروايات البوليسية جمالها في اكتشاف القاتل وتوجيه أصابع الاتهام وفي شخصية المحقق وليس في الأدوات والتكنولوجيا التي استخدمها، أفضل أن تبقى سلطة التحقيقات في عقل المحقق وليس في التكنولوجيا

روايه خفيفه وسريعة، جريمة قتل ولكن الأهم جريمة المشاعر أو تجاهل مشاعر الابناء.

اعجبني تجسد المشاعر بصورة اطياف، الفكرة مختلفة عن فيلم Inside Out ، تعبير عن المشاعر في صورة واضحه. فكرة بره الصندوق

من أجمل ما كتبت نهى داوود قصة مختصرة بلا استطراد أو تفاصيل زيادة

حبيت نيلي وصفاء أوي

حبيت فكرة الأطياف والألوان جداً

كتاب جميل 🌹🌹

تسلم ايدك ياااستاذتي 🌹🌹

تجربة أولى لقلم الكاتبة نهي داود

بعد إعلان جروب كوكب الكتب عن أني رواية شهر أغسطس هتكون عن أدب الجريمة و فازت الراوية بالتصويت قررت المشاركة و من حسن حظي أني العمل متوفر علي تطبيق أبجد المدمن له في الوقت الحالي .

بالنسبة ل أسلوب الرواية و السرد كان فوق الممتاز و سلس جدا بدون أدني شعور بالملل مع لغة قوية سلسة استمتعت جدا بالقراءة .

الحبكة بالنسبالي كانت بسيطة و من وجهة نظري أني الراوية كانت خارج تصنيف أدب الجريمة لاني فكرة الأطياف كانت النجم في الرواية عن الجريمة اللي حصلت و أثناء القراءة فكرت في لو فعلا أصبح ممكن كشف مشاعر المحيطين بينا ممكن يحصل ايه!

ملاحظات بسيطة: أولا كنت أتمني أني يكون أول عمل اقراه للكاتبة يكون أول عمل لكن العمل اللي كان متوفر علي أبجد هو آخر عمل صدر ليها.

ثانيا اعتراض بسيطة علي عبارة أدب جريمة المكتوبة علي الغلاف .

ثالثا أكيد هكرر التجربة مع قلم الكاتبة.

الرواية فيها أجواء أسرية ومصرية جميلة، ولو الرواية كانت اجتماعية كانت هتبقى افضل .. لكن فكرة الجريمة واللغز كانت واضحة ومكشوفة جدًا من اول ما بدأ الكلام عن الجريمة، واستنتاج حل المشكلة كان بديهي جدا ..

الصفحات الأولي من الرواية وفكرة الأطياف والمشاكل النفسية كانت واعدة جدا، ولو تم تحويلها لاتجاه فانتازي أو حتى خيال علمي كانت ممكن تبقى أحلى كتير.. لكن الفكرة تم لويها واستخدامها في معالجة بائسة جدا الحقيقة ..

في تطويل ومط في الاحداث بشكل غير طبيعي، والتطويل ده مكنش فيه أي تطوير للشخصيات ولا للحبكة الدرامية اللي بتبني الرواية .. مجرد أحداث داخل دائرة مغلقة .. الظن بإن دي هلاوس.. لوم النفس .. اكتشاف الحقيقة.. ثم حدث جديد والظن بإنه هلاوس ، وهكذا ..

اللغة ضعيفة جدا .. وفيها أخطاء لغوية، وتأليف مصطلحات لغوية غريبة وغير موجودة في اللغة أصلا..

الميزة الوحيدة هي ان في جو لطيف في الرواية يشبه جو ربات البيوت ، وان كان بناء شخصياته بائس جدا الحقيقة ..

كنت أتوقع وجود بعض العمق في الأحداث ، بعض الغموض الذي يجعلك تفكر كثيرا و تركز أكثر مع كل حدث ، يجعلك في حالة من التشويق و الإثارة طوال الوقت ، لكن للأسف لم أجد هذا في الكتاب . 😕

شي سسسيس فيش شيء ٤٤