اقتباسات من كتاب شهرزاد اون فاير

فيه ناس فينا بتقعد مع الدكتور النفسي عشان تتعالج، وهي أصلًا مش بتقوله الحقيقة!

الأوجاع النفسية تأثيرها أكبر بكتير على البني آدم من الأوجاع الجسدية!

أول خطوة محتاج تعملها عشان تتعافى، إنك تتعامل مع وجعك باحترام واهتمام زي ما المفروض تتعامل مع جرح عميق بينزف.

إنكار مشاعرك كل اللي هيعمله إنه هيحوَّلك مع الوقت لزومبي، ولا بيحس بالحلو ولا بالوحش، ولا عنده طاقة لحد، ولا حاجة في الدنيا.

المشكلة الكبيرة إن كتير مننا اتعرضوا لظروف وطريقة تربية دمرت لهم جهاز المشاعر عندهم.

مشاعرك أداة مهمة جدًّا ربنا ادّهالك مخصوص عشان توصلك لمراده منك، والغاية اللي خلقك عشانها.

ساعات أصلًا مابناخدش بالنا من اللي كان تاعبنا ومضايقنا، غير لما بنوقَّف وبنلاقي صحتنا اتحسنت بعده!

العلاقات الاجتماعية والراحة النفسية بين البشر عملية أعقد من العقل والمنطق.

إيه الفايدة إنك تلمع من برا والناس كلها تنبهر بلمعتك، وانت من جواك مطفي!