مراجعات رواية أوراق غرفة الإعدام

طيب بما إني متربية علي روايات الج.ريمة من وأنا قد كده🤏 ..

ف اقدر أقول ان الرواية دي .. قربت من الجريمة الكاملة بشكل كبير ♥️

ليه بقول قربت .. مهو بنقول أوراق غرفة الإعدام .. يعني الجاني إتكشف وأخد اعدام اهو 👀 "حسبت أن ذلك مفهوما يعني😌"

نبتدي ب منصور .. هنتعرف عليه علي إنه كاتب روايات ناجح

ونادية الشماشرجي ، شخصية ارستقراطية متعرفش حاجة ف الحياة غير إن اللي عاوزاه هتجيبه ..

وصلاح .. اللي مش صلاح خالص 😁 اللي هيتقتل وهنعرف مين اللي عمل كده فيه ..

بس جريمة واحده؟؟ دي بدل الجثة أربعة 🙃

أربعة في رحلة ياتري مين اللي كان يستاهل ، ومين اللي كان قتله عرض جانبي للخطة 🤫

*⭐️خلينا نقول إيه الحلو ف الرواية ..

الرواية بتعتمد علي تطبيقات حديثة ، في الإفلات من المراقبة و التغطية على الجاني .. بحب الروايات دي لأنها بتدي انطباع عصري .. مختلف عن روايات الجريمة القديمة

كمان بحسها مقياس زمني .. الاجيال الجاية هيقيموا مدي فاعليتها او عدمه 😅😀

"زي فيلم الدواء به سم قاتل .. في زماننا كان إتحلت بتليفون او بوست علي الفيسبوك😂"

كمان الكاتب في العمل دا زود من جرعة الصراع الشعوري اللي بيدور جوة الأبطال وإفكارهم الداخلية اللي أدت لتصرفاتهم ♥️

في كل عمل من أعمال أحمد على لازم نجيب سيرة إضطرابات نفسية عند الأبطال .. مش شرط تكون دوافع للجريمة .. لكن بتعرف خلفية حياتهم وبتعرف تتعاطف معاهم من ناحيتها 🤧

*👀اللي حسيت اني مستنيه أشوفه أحسن بقي

كان نفسي الجاني الحقيقي يتمسك في ثغرة التطبيقات اللي استخدمها متكونش سدتها .. 🤔

مش هقول اتقفش ازاي🤫

مستنية يزود جرعة الصراعات الداخلية .. عشان دي بتدي ملحمية لتصرفات الأبطال ف القصة وبتزود النفور او التعاطف ( حلوة ملحمية دي🤔😂)

مستنية يكتب عمل يخليني مقفشش الجاني بدري عشان تقريبا أنا قفلت عداد روايات الج.ريمة والموضوع بقي تحدي لأي كاتب بعد كده .. شفولي حل 😂😂😂

تقييمي للرواية ⭐️⭐️⭐️⭐️

رواية جديدة للمحققان الركابى و الحسينى أبطال أعمال الكاتب أحمد على، الرواية بتتكلم عن الجريمة الكاملة و إنها موجودة و مش هتتكشف أبدا و دا اللى حاول يعمله هنا أبطال الرواية لكن فى الآخر اتكشفوا ،كعادة روايات أحمد على بتعتمد على التشويق و الإثارة و الأحداث السريعة من أول مشهد،عنده خلطة من الجريمة و الاضطرابات النفسية ممزوجة بالتكنولوجيا الحديثة،وكل مرة بتكون تركيبة حلوة و ممتعة على مدار أحداث الرواية و يمكن بتدى شكل مختلف و عصرى عن الجرائم و يمكن ماتخليش الحل سهل على القارئ ولو إنى بردو عرفت الحل من بدرى،بس كنت مستمتعة و أنا بشوف الحل بيظهر بوضوح بالتدريج و الأهم كانت الدوافع النفسية للأبطال، رواية حلوة و سريعة وممتعة خلصتها فى جلستين

من فترة كبيرة لم أقرأ رواية بالسلاسة دى اسلوب مشوق خلصتها ف جلستين وهى تعتبر شبه جريمة كاملة فعلا لأن بطلة الرواية تم إعدامها فعلا والقاتل الحقيقى تم الامساك به بعدها فقط لهفزة بسيطه برافو الكاتب اسلوبك الشركة مشوق وبسيط وداىما أقول العبقرية ف البساطه انا من قرائك فيما بعد انتظر عملك القادم وبشدة