مراجعات رواية حديقة الحيوان البشرية

الرواية: حديقة الحيوان البشرية.

الكاتب: أحمد سلام.

دار النشر: دار كتاب.

عدد الصفحات: 239 على أبجد.

التقييم: ⭐⭐⭐⭐/⭐⭐⭐⭐⭐

❞ البشر لم يتحضروا، ولكنهم فقط وضعوا قوانين للهمجية. ❝

في قراءة أولى للكاتب أحمد سلام، يتحدث الكاتب عن بطل القصة ثابت، الذي كانت حياته في العائلة تتم بتخطيطات غيره، من ملابسه وطعامه، حتى العمل بالمصنع الخاص بالعائلة الذي يديره عمه الأكبر، و الزواج من ابنة عمه عفاف لتستر على خطيئتها، مع التخلي عن حلمه التافه كما قررت العائلة خاصة عمه المتمثل في العمل بالأفلام و أن يكون مخرجاً، ليستطيع أخيراً السفر إلى أمريكا وهو يحلم بالعالم الوردي هناك المخالف للموجود في دولته، إلا إنه استطدم بكم الاختلاف الشاسع الموجود بها، مع ازدواجية المعايير المفرطة الموجودة، إلا أنه التحق بمعهد السينما في أمريكا، وحدثت المشكلة حينما أتى موعد إخراج مشروع التخرج حتى ينجح، ليذهب إلى البروفيسور المشرف عليه مقترحاً إخراج فيلم يتحدث عن حالات التحرش التي تتعرض لها المرأة في أمريكا من أجل مواجهة الظاهرة والتوعية عنها، إلا أن البروفيسور استنكر الأمر و قال بانتشار هذا الأمر في الدول العربية الإسلامية، مع اقتراح بجعل مشروع الفيلم من خلال الجمعية التي ستمول الفيلم، حول موضوع الدعارة الحلال في الوطن العربي.

الرواية تناقش موضوعات حساسة مهمة جداً، بطريقة قاسية معبرة و جريئة، مع ازدواج المعايير الواضح الموجود في الرواية، مع معرفتي بمهنة تجارة الجنس كعمل معترف به و يتم التشجيع عليه، في تناقض صريح للمعايير، و على الرغم من قلة الحوار في الرواية، إلا إنها كانت ممتعة و انتهت مني في وقت قليل، إلا إنها لا تصلح لكل الأشخاص لاحتوائها على مشاهد جريئة نوعاً ما، و كنت أتمنى التنويه في بداية الرواية.

#أبجد

#حديقة_الحيوان_البشرية

#أحمد_سلام

لو حبيت أسّمي قراءة الرواية دي هيبقي اسمها قراءة بالصدفة لأني بعد ما شوفت reel بيتكلم عنها ، لقيتها اتوفرت علي أبجد فقولت ليه لأ ، اشوف الرواية دي بتقول ايه

⚠️تحذير بحرق للاحداث

رواية حديقة الحيوان البشرية

رواية حلوة و لكن ...

و هنا لكن مش عشان الجرأة لأني في سن كبير كفاية يخليني أقدر أقرأ النوعية دي من الأعمال ، لكن هنا أنا في رأيي الشخصي الرواية كان ممكن تكون أفضل في تنفيذ أجزاء منها ، عشان تخدم جرأة طرح الموضوعات في العمل.

خليني أقول اني جالي احساس ان الكاتب اخد من حياة ثابت بطل العمل مقطع بشكل هندسي غير منتظم ، ومن أكتر العيوب اللي انا شوفتها في العمل الخط الزمني في الرواية بسبب الفلاش باك سواء قبل السفر أو قبل و بعد عرض فيلم ثابت واللي سبب ليا ربكة و كنت بعض الوقت بأتوه ، أعتقد كان الأفضل نمشي فلاش باك بتسلسل الأحداث لتجنب ده ، و كمان عشان أقدر أحس بمدة ال ٤ سنين اللي البطل قضاها في امريكا.

بالنسبة لي شخصية ثابت لغز كبير كان مقبول بشكل كبير شخصيته و كمان فكرة الانطواء و هو في بلده ، رغم ان نسبة بسيطة اووي في الزمن ده اللي ممكن يبقي علي نياته ، لأن العالم قرية مفتوحة دلوقتي بسبب النت ، لكن الغريب في ثابت هو بعد السفر و قضاء ٤ سنوات في أمريكا و احساس الوحدة فضل موجود ، و عدم القدرة علي تكوين صداقات و شعوره بالفقد من رحيل الأصدقاء اللي قدر يكونهم.

انا قادر اتصور رفض بعض الأمريكان له كعربي ، لكن في وسط جامعي فيه جنسيات مختلفة و مع الانفتاح في شخصيته اللي حصل كان سهل يكون بعض الصداقات ، ولقيت تفاصيل ظهرت من غير مبرر ، يعني فجأة ظهر إنه معاه عربية طيب و لما بدأ يبقي عنده مشاكل مالية راحت فين العربية دي؟

كمان النهاية بالنسبة لي كان ممكن تكون أفضل و مختلفة ، يمكن ثابت عاش جزء من حياته مجبور علي حاجات كتير من سيطرة عمه و الحب اللي عمي عينه ، لكن قرار دراسة السينما حتي لو حصل بسبب موقف معين فمش معني كده انه كان مجبر عليه ، لكن فكرة إنه فجأة بقي واقف في التسلل زي لاعب كورة أعتقد مش افضل خاتمة لتعب ال٤ سنين دراسة.