اقتباسات من كتاب فن التعامل مع الشراشيح : دراسة في مفاهيم القوة والضعف

(الحب مينفعش يكون نقطة ضعف!).

‫ ‏طب إزاي وهو بيقول لك: ‏(الحُب هو أن تمنح شخصًا ما القدرة على تحطيمك، وتثق أنه لن يفعل)‏؟!‏

‫ ‏فعملية الحب أصلًا قائمة من الأساس على كشف الإنسان لنقاط ضعفه!… فإحنا مش هنعرف نحب بجد وإحنا قلقانين أو دايمًا واخدين حذرنا. لازم عشان نحب، نعري روحنا وضعفاتنا للي بنحبه، وهو كمان يكون حقيقي وبكل عيوبه معانا، وما يحسش في عيوننا بتنمر أو تقليل.‏

‫ ‏الشرشوح زي أي إنسان طبيعي، بياكل ويشرب ويحب ويتحب… آه فيه أشخاص بتبقى عارفة إنها في علاقة شرشوحية وبتكمل عشان بيتأقلموا أو هما حابين الشكل ده، بس الأصعب إنك تحب حد ويطلع شرشوح وإنت مش قادر تكمل بس بتحبه!!!!

بس اللي ييجي يستغل محبتك وأصلك عشان يفرّغ فيك أمراضه النفسية، ملوش مكان في حياتك ولو كان مين!!‏

‫ ‏اللي ما كانش عنده مشكلة يقلّ منك أو يشرشحك، وكمان يبرّر سلوكه القذر ده، يبقى خسارته مكسب.‏

‫ ‏فأعظم دروس الصداقة إن الإنسان يتعلّم يسيب الإيد اللي بتشده للقاع، مش عشان هو بيكره صاحبه، إنما عشان بيحب نفسه ومستوعب قيمته.‏

صديقي فجأة بقى يؤذيني بأي سلوك غير متزن أو سوي بيعمله؟ أتمنّى له كل الخير في حياته، بس أقف زي الجندي المقاتل أدافع عن حياتي.‏

‫ ‏اللي هو: (أنا مقدّر صداقتنا جدًا، بس مش هاسمح بأي شكل إنها تكون سبب إيذائي)‏

‫ ‏(عادي نختلف مع بعض، بس ما نعملش مشاكل لبعض)‏

‫ ‏(إنت صاحبي، بس في حدود مش هينفع تعدّيها معايا)… إلخ‏

‫ ‏فأنا معاك إن الشرشوح مش كائن شرير بالولادة، إنما هو إنسان مجروح ماشي يجرح في اللي حواليه.‏

وأمثلة كتير أوي للعنف الهادي السلبي اللذيذ، بس أقربهم لقلب الشرشوح هو الـGhosting، وخصوصًا بعد ما يمارس شرشحته، وتكون إنت مش فاهم هو عمل كده إزاي، وعاوز تفسير أو حتى عاوز فرصة تانية للمواجهة عشان تاخد حقك!!‏

‫ ‏بس إيه شكل القوة اللي ممكن يحتاجها الإنسان في مواجهة عنف سلبي؟!‏

‫ ‏ده عنف شكله حلو وكيوت، وكل أشكال القوة فيها علامات شدة وشراسة الشخصية… إيه رأيك لو القوة هنا برضه كانت باردة، وكلها بطء وهدوء؟‏

‫ ‏بس برود عشان فيه سلام فعلًا، مش برود عشان عجز أو قلة حيلة..‏

‫ ‏عارفين ليه الشرشوح الصامت أخطر أنواع الشراشيح؟‏

باقسمها لأربع أقسام:‏

‫‏1- قوة مال. ‏

‫‏2- قوة جسد. ‏

‫‏3- قوة فكر. ‏

‫‏4- قوة علاقات اجتماعية. ‏

‫ ‏فاللي عاوز يتحلى بجد بقوة رادعة لأي شرشوح، لازم يشتغل على الأربع أنواع من القوة دول بالتوازي.‏

‫ ‏آه، الإنسان محتاج استقرار مادي محترم عشان ميبقاش تحت ضغط أو يحس إنه عاوز يعمل حاجة وعاجز إنه يعملها.‏

‫ ‏قوة الجسد مش عشان هيخش خناقة، إنما إحنا كبشر بنحترم الإنسان القوي بدنيًا، وهو نفسه بيحس بثقة أكبر تجاه نفسه.‏

‫ ‏قوة الفكر أساسية في التعامل الحكيم مع الشرشوح، مش تكون عبيط وإنت في أي جدال، بتقول كلام مهرجل ملوش وزن حقيقي، أو تقول كلام تافه يتمسك عليك كغلطة.‏

‫ ‏قوة العلاقات الاجتماعية مهمة جدًا عشان بتعكس قدرة الإنسان ده في التواصل،

رياضة مواجهة الشراشيح!‏

‫ ‏وده اللي بيخلي ساعات ناس كتير تزعل أوي من نفسها وتحس إنها مش بالقوة الكافية لمواجهة ضغوطات العالم، عشان ببساطة مفيش مرحلة معينة المفروض يوصلوا لها عشان يحسوا بالرضا

"ألفرد أدلر" هو أول من صاغ المصطلح، وقال إن الإنسان اللي عنده نقص بيحاول يعوّضه بسلوكيات تعويضية. بس المشكلة إن التعويض مش دايمًا بيكون راقي أو ناضج، أحيانًا بيكون ردح، سيطرة، أو استعراض فارغ.‏

‫ ‏فمش عيب إن الإنسان يكون عنده عقد نقص - كلنا عندنا أصلًا - العيب والخطر لما نلجأ لتعويضها بالشرشحة!‏

‫ ‏حتى ولو شرشحة على الهادي، زي:‏

‫ ‏• ‏‏إنه يقاطع الناس في الكلام المهم بأسلوب مبتذل

إعادة التسمية‏‏: بدل ما يقول "أنا شتمت"، يقول "أنا كنت بدافع عن نفسي".‏

‫ ‏• ‏‏نقل المسؤولية‏‏: "أنا كنت مضطر، الظروف هي اللي خلتني أعمل كده".‏

‫ ‏• ‏‏التقليل من الأذى‏‏: "ما هو مش هيموت يعني، دي كلمة وخلاص".‏

‫ ‏• ‏‏المقارنة الأخلاقية‏‏: "أنا أهون من غيري، في ناس بتقتل، أنا بس بشتم".‏

‫ ‏وطبعًا الكلام ده يمشي على المؤذي، المستغل، الظالم، وأكيد عمنا الكبير صديق البرنامج الشرشوح. فالإنسان مش بس شرير، ده كمان عبقري في تبرير شره عشان يقدر يعمله بمزاج وفن.‏

‫ ‏طب إيه أهمية الكلام ده؟؟؟‏

‫ ‏النقطة ديه مهمة جدًا جدًا جدًا في فهم عقلية الشراشيح، عشان الأخطر من الشرشوح اللي واعي بشرشحته، الشرشوح اللي فاكر إنه بيعمل ده بشكل دفاعي أو منطقي أو خير!!!‏

‫ ‏الشرشوح اللي فاكر نفسه مظلوم، فاكر نفسه بيدافع عن حقه

‏ألبرت باندورا كان واحد من أعظم علماء النفس في التاريخ، كندي الأصل، اشتهر بتجربة "دمية بوبو" اللي أثبتت إن الناس - خصوصًا الأطفال - بيتعلموا السلوك بمجرد ما يشوفوه عند غيرهم، حتى لو كان عدواني. ومن أهم كتبه (الانفصال الأخلاقي)، اللي شرح فيه ليه الناس بتعمل تصرفات مؤذية من غير ما تحس إنها غلطانة، وإزاي بيبرروا لنفسهم الشر وكأنهم بيعملوا خير.‏

مش زي مثلًا القاتل المحترف أو المسجل خطر، شخص مقطع بطاقته. لا، حد منفوخ على الفاضي بظفارة اللسان وعفانة العقل.‏

‫ ‏الشرشوح - في وجهة نظري - مش مجرد شخص بيزعق في الشارع أو بيشتم في الكومنتات. لأ، ده منظومة كاملة من السلوكيات اللي بتقوم على مبدأ واحد:‏

‫ ‏"أنا ضعيف قدام الظالم، بس جامد على المؤدب".‏

‫ ‏فهو كائن عايش بردود أفعال، مش بمبادئ واضحة راسخة. هو الشخص اللي بيختار السلوك السوقي

عالم بيكافئ الردح والبلطجة والصوت العالي، ويدوس على الأصيل المحترم.. كان لازم أساهم في المدعكة الأخلاقية اللي بتحصل بكتاب يجاوب على أهم أسئلة القرن الحادي والعشرين:‏

‫ ‏نتعامل إزاي مع الشراشيح اللي بقوا في كل حتة؟! بقوا نجوم وأسياد مجتمع؟!‏

‫ ‏نتعامل إزاي وهما بقوا أكتر من أخبار حسام وشيرين!‏

‫ ‏في الكلية، في الشغل، في البيت وأقرب الدواير؟!‏

‫ ‏فالكتاب ده عشان أحاول أوصل مع نفسي، قبل ما أوصل معاكم، لطريقة يقدر الإنسان من خلالها إنه يقاوم الشرشحة، من غير ما يبقى شرشوح.‏

‫ ‏يقدر يتصدى لمنظومة القبح والقهر ديه من غير ما يفقد كيانه أو أخلاقه.‏

القرار الذي أجبرتك كرامتك على اتخاذه لن تندم عليه مهما حييت.‏

نكرر ما نعرفه، لا ما نريده. الألم المألوف يشعرنا بالسيطرة أكثر من السعادة المجهولة).‏

⁠‫‏- لقائلها‏

❞ (نكرر ما نعرفه، لا ما نريده. الألم المألوف يشعرنا بالسيطرة أكثر من السعادة المجهولة).‏

⁠‫‏- لقائلها‏ ❝

(نحن بحاجة لمن يمكننا البكاء في حضرتهم، ثمّ لا يمنعهم ذلك عن رؤيتنا… كمحاربين).‏

(نحن بحاجة لمن يمكننا البكاء في حضرتهم، ثمّ لا يمنعهم ذلك عن رؤيتنا… كمحاربين).‏

❞ إذَا وجَدت لِينًا في أحدهِم، فأعلَم أنَّه شَخصٌ قَوي، فالقُسَاة ضُعفاء). ❝

❞ كلما أدركت أن الغضب أمر خاص بالشخص الآخر، كلما تكونت لديك الطاقة للوصول لحلول ترضي جميع الأطراف).‏

⁠‫‏- ديبي إليس‏ ❝

❞ الحب مينفعش يكون نقطة ضعف!). ❝

❞ فأعظم دروس الصداقة إن الإنسان يتعلّم يسيب الإيد اللي بتشده للقاع، مش عشان هو بيكره صاحبه، إنما عشان بيحب نفسه ومستوعب قيمته.‏ ❝