اقتباسات من كتاب فن التعامل مع الشراشيح : دراسة في مفاهيم القوة والضعف

في فرق بين الإنسان الصارم القوي وبين الـAsshole الشرشوح. فالإنسان القوي بيتحداك عشان يخليك تطلع أفضل ما عندك من غير ما يكسرك أو يأذيك، إنما الـAsshole الشرشوحي بيتعمد دايمًا يخليك حاسس إنك قليل أو مش كويس.‏

من العبث والهبل والسذاجة إن الإنسان يحرق من وقته وطاقته في أفكار أو أسئلة مش هتوصله لحاجة مفيدة له، إنما هو بس عشان يطيب خاطر نفسه بإجابات خيالية مؤقتة، بيسحل نفسه في صراعات فكرية يهرب فيها من الواقع.‏

في شخص روش قبل كده سأل: ألا يمكن أن ينضج المرء ويصبح واعيًا، دون أن يتهشم قلبه وتحترق روحه؟‏

‫ ‏والحقيقة نحب نقول لصديقنا الروش… لأ، لا يمكن والله…‏

❞ المحارب الحكيم لا يبني سورًا حول عدوه، بل يبني سورًا حول نفسه).‏

⁠‫‏هتبني سور حوالين ❝

(يمكن سلب كل شيء من الإنسان إلا شيء واحد: آخر الحريات الإنسانية - اختيار موقفه في أي ظرف من الظروف، واختيار طريقه الخاص)

‫‏لا تشرح عُمق البحر لسمكة تعيش في حوض؛ العقول محدودة بحدود تجربتها.‏

فرانكل بيقول في كتابه (البحث عن المعنى):‏

‫ ‏(يمكن سلب كل شيء من الإنسان إلا شيء واحد: آخر الحريات الإنسانية - اختيار موقفه في أي ظرف من الظروف، واختيار طريقه الخاص).‏

الشرشوح - في وجهة نظري - مش مجرد شخص بيزعق في الشارع أو بيشتم في الكومنتات. لأ، ده منظومة كاملة من السلوكيات اللي بتقوم على مبدأ واحد:‏

‫ ‏"أنا ضعيف قدام الظالم، بس جامد على المؤدب".‏

❞ ⁠‫‏(نحن بحاجة لمن يمكننا البكاء في حضرتهم، ثمّ لا يمنعهم ذلك عن رؤيتنا… كمحاربين).‏ ❝

‏في عالم بيكافئ الردح والبلطجة والصوت العالي، ويدوس على الأصيل المحترم.. كان لازم أساهم في المدعكة الأخلاقية اللي بتحصل بكتاب يجاوب على أهم أسئلة القرن الحادي والعشرين:‏

‫ ‏نتعامل إزاي مع الشراشيح اللي بقوا في كل حتة؟! بقوا نجوم وأسياد مجتمع؟!‏

‏أيوه، عشان انتصارك في أي معركة مع الشرشوح مش إنك تهزمه، إنما إنه هو ما يهزمكش!‏

‫ ‏للأسف، دخولك أي معركة مع شرشوح يُعتبر في مضمونها انتصار له.‏

‫ ‏المنطق بيقول: طاقتك ووقتك ونفسيتك أغلى من إنهم يترموا في جدال عمرك ما هتكسبه!‏

‫ ‏مش عشان إنت فيك مشكلة، إنما عشان قواعد الجدال أصلًا فيها مشكلة.‏

‫ ‏المعركة مع شرشوح معركة غير عادلة، وقايمة على قواعد غير شريفة.‏

‫ ‏فأيوة، الحل إنك تهرب من وشه.‏

‫ ‏الحل إنك ما تدخلش المعركة من الأساس - ده في حالة إن عندك الاختيار ده - لكن لو مُجبر على المواجهة، فيه كلام تاني!‏

‫ ‏فالهروب هنا مش معناه الخوف، إنما معناه الوعي.‏

أشبه بالإدمان! بس هنا الإنسان بيدمن هرمونات التوتر والتعب اللي جسمه بيفرزها في حضور الشراشيح زي الأدرينالين والكورتيزول!‏

‫ ‏في تفسيرات تانية زي:‏

‫1- محاولة إصلاح الماضي (‎Repetition Compulsion‎‏)

‫ ‏(نكرر الصدمات أملًا في تغيير نهايتها)‏

‫ ‏- فرويد‏

تلجاية بتحب تقعد في الشمس

‫ ‏(الـ‏‎Trauma Bonding‎‏‏)‏

‫ ‏(نكرر ما نعرفه، لا ما نريده. الألم المألوف يشعرنا بالسيطرة أكثر من السعادة المجهولة).‏

‫ ‏- لقائلها‏

قوة الوعي‏!‏

‫ ‏تعافي أي إنسان من أي صدمة في حياته بدايته وعي قوي! واللي من أهم صفاته، مش إنه وعي مش متعور… بالعكس، ده أغلب أصحاب الوعي القوي بيكونوا متعورين تعاوير تقيلة، بس وعي مفيش تعويره تعرف تتمكن منه، لكن مرن وقوي كفاية إنه يدوب أي تعويره جواه…‏

‫ ‏فالوعي القوي بيمكن صاحبه إنه يشوف نفس الواقع اللي ممكن يدمر حد تاني بنظرة مختلفة خالص…‏

‫ ‏• ‏‏نظرة مفهاش عار أو خجل من الصدمة، إنما نظرة شجاعة وفخر.‏

‫ ‏• ‏‏نظرة مفهاش كراهية للذات أو عقلية الضحية، إنما نظرة ثقة ومقاومة.‏

‫ ‏• ‏‏نظرة مفهاش يأس واستسلام وقسوة على الآخر، إنما نظرة انتصار وتعاطف.‏

الانفصال (‏Dissociation‏):‏‏ يفصل بين الجسد والروح لحماية النفس، زي: (ده محصلش، لا ده كان حلم مش حقيقي) ‏

‫‏2- ‏‏الكبت (‏Repression‏):‏‏ يفضل يضغط في الحدث ده عشان ينساه بالعافية، لكن يفضل يطلع له زي الكابوس من فترة للتانية… ‏

‫‏3- ‏‏الإسقاط (‏Projection‏):‏‏ يكره في الآخر اللي بيكرهه في نفسه، فهو شايف نفسه كائن (ملوث)، فيشوف الآخر سبب تلوثه ويعادي الشريحة ديه… ‏

‫ ‏وأليات تانية كتير، فبغض النظر عن الآلية اللي هيستخدمها، الهدف إنه يلغي التعويرة عشان مش قادر يستوعبها… حاجة غريبة برا الشكل اللي معتاد اللي كان عايش فيه!‏

‫ ‏وبيكبر لغاية ما يبقى شخص كبير ناضج من بره زي الفل وشكله تمام خالص، بس الحقيقة إن لسه التعويرة موجودة وهو مش عارف إنها هتأثر على كل قرار وخطوة في حياته!

الشرشوح اللي مضايقك ده هو كمان محتاجك في حياته، بس سهل أوي يخسرك بسلوكه الغشيم المندفع، وانت كمان بالرغم من كل التشوهات اللي فيه محتاجه في حياتك!‏

‫ ‏فاللعبة كلها: ازاي يعبر الإنسان عن احتياجه المجرد من الانفعال أو الشعور، بكل وضوح ومن غير صيغة عاطفية تخلي النقاش يروح لحته تانية كلها خناق وقلة قيمة… اللي هو: "أنا طلبي كذا ومش عاوز أكتر من إنك تعمل الطلب".‏

‫ ‏وهنا ييجي الذكاء العاطفي والاجتماعي للشخص إنه يعرف يوصل للي عاوزه بأقل الخساير…‏

‫ ‏في النهاية، ساعات الموضوع مش بيكون بالسلاسة اللي مكتوبة، وطبعًا مشاعر الإنسان مش بتمشي بالخطوات الجامدة دي

مدارس سلوكية كتير أوي بخصوص التعامل مع الشخصيات الصعبة أو المؤذية بما فيهم الشراشيح، زي الـGradual disclosure أو الـCognitive reframing، بس ليه أنا شايف إن أعظمهم التواصل غير العنيف NVC؟؟؟‏

‫ ‏عشان بالرغم إن الموقف اللي الواحد بيبقى فيه مؤلم وعنيف، أول خطوة عشان الإنسان يطبقه هي إنه ميَتفاعلش… إنما يكتفي بالملاحظة. فهنا مفيش صدام متبادل أو هجوم… وده أول نجاح: إن الطرف الآخر - بالرغم إنه قليل الأدب أو مؤذي - ميحسش إنه متهم.‏

‫ ‏طب ليه أنا مش عاوزه يحس إنه متهم؟؟! عشان مش عاوز أخسره. فالهدف هنا مش تقويم الشرشوح، إنما التعامل معاه بالحد الأدنى

حاول تحس من غير ما تتهمه بحاجة. شوف الفرق كده بين الاتنين دول: "أنت بتخليني حاسس بالإحباط" (هنا أنت رميت مسؤولية شعورك بس عليه) أما "أنا حاسس بالإحباط" (هنا انت وضحت من غير أي اتهام لحد شعورك المجرد).‏

‫‏3- الحاجة (وراء الشعور)‏

‫ ‏في وجهة نظري ديه أصدق مرحلة، هنا الإنسان بكل وعي بيعبر عن احتياجه من غير ما يخبيه في شعور انفعالي، زي مثلًا:‏

‫ ‏شوف الفرق:‏

‫ ‏"أنت مش بتحترمني" (اتهام مبني على انفعال).‏

‫ ‏أما "أنا كل اللي محتاجه يكون اللي بينا قايم على الاحترام والشرف"

طلع عالم النفس الأمريكي Marshall Rosenberg مصطلح من أهم مصطلحات علم النفس الحديث، وهو الـNonviolent Communication (التواصل غير العنيف)، كمدرسة سلوكية بتتكلم عن إزاي الإنسان المفروض يتعامل مع الأشخاص العنيفة من غير عنف، وكان مقسم الموضوع لأربع مراحل:‏

‫‏1- الملاحظة (بدون حكم)‏

‫ ‏في المرحلة ديه مطلوب من الإنسان يهدي على حالة كده ويلاحظ سلوك الشخص من غير أي تفاعل أو غضب. أنا عارف بتبقى حاسس إنك هتموت وتعبر عن مدى الألم اللي جواك

‏فالحب الحقيقي مش معناه بؤس وتحمل الجروح، إنما بنساعد اللي بنحبهم في رحلتهم لتطور ونمو. لو مرحّب بالفكرة إحنا جنبه باللي نقدر عليه، لو رفض أو مش شايف إنه محتاج، إحنا بندعي له إنه يكون دايمًا في أفضل حال…‏

‫ ‏افتكر دايمًا الجملة السحرية دي: ‏(أنت لست ضمادة لجروح الآخرين).

‫ ‏حتى لو الآخرين دول هم أكتر ناس بتحبهم في الدنيا…‏