اقتباسات من كتاب حكايات منسية

طبعًا أنا أخدت الشارة ولبستها على دراعي وخرجت من أوضة ميس إجلال وأنا شخص تاني.. مساء الخير.. معاكم العميد أركان حرب طيار أول شريف.. أنا محتاج نضارة شمس ضروري دلوقتي عشان أبقى ظابط حالًا.. هو أي نعم معييش مسدس في الحزام بس أنا هأتصرف..

أنا فعلًا كنت مرتبط بالحيوانات بشكل كبير جدًا وبحبها جدًا وبحب أعرف عنها كل المعلومات المتاحة.. لدرجة إني كانت من أكبر أحلامي في السن ده إني اشتغل مع الناس اللي بتروح تصور الحيوانات في برنامج عالم الحيوان.. يا بختها بتشوف الأسد من قريب.. نفسي أطبطب عليه.. وأزغزغه في رقابته..

أنا فعلًا كنت مرتبط بالحيوانات بشكل كبير جدًا وبحبها جدًا وبحب أعرف عنها كل المعلومات المتاحة.. لدرجة إني كانت من أكبر أحلامي في السن ده إني اشتغل مع الناس اللي بتروح تصور الحيوانات في برنامج عالم الحيوان.. يا بختها بتشوف الأسد من قريب.. نفسي أطبطب عليه.. وأزغزغه في رقابته..

ما تروح أنت معاها أبابا وتخلي بالك منها بدل ما أنت عمال تقولي خلي بالك منها!

‫ - اخرس يا حيوان والبس كويس عشان تروح مع ماما.. وخلي بالك منها.

‫ - أوعدك أبابا إني مش هكون سبب في أي حاجة تتسبب إنها تتمسك..

نزلت بقى ورحت السوق بتاع المعادي اللي كان زحمة بشكل غير طبيعي لأن الناس كلها كالعادة.. بتتفاجئ إن يا لهوي.. ايه ده؟؟ ده بكره رمضان!! في مفاجأة متكررة سنويًا تستحق الذهول.. فا كله بينزل جري من البيت عشان يجيب أي حاجة.. حرفيًا يعني أي حاجة المهم الناس تنزل جري وهي مخضوضة.. كل واحد بينزل يجيب الحاجات اللي ناقصاه رغم إنه كان عارف إنها نقصاه من شهر.. وإن رمضان جي جي.. إنما تقول ايه بقى.. عادتنا كده.. وسلو بلدنا وناسنا كده..