نزلت بقى ورحت السوق بتاع المعادي اللي كان زحمة بشكل غير طبيعي لأن الناس كلها كالعادة.. بتتفاجئ إن يا لهوي.. ايه ده؟؟ ده بكره رمضان!! في مفاجأة متكررة سنويًا تستحق الذهول.. فا كله بينزل جري من البيت عشان يجيب أي حاجة.. حرفيًا يعني أي حاجة المهم الناس تنزل جري وهي مخضوضة.. كل واحد بينزل يجيب الحاجات اللي ناقصاه رغم إنه كان عارف إنها نقصاه من شهر.. وإن رمضان جي جي.. إنما تقول ايه بقى.. عادتنا كده.. وسلو بلدنا وناسنا كده..