الحمدُ لله خَلَّصْنا
مْن الإِمتحـانــات
وبإذنِ رَبَّكْ فَلْفَصْنا
مِـن غير إصابــات
ملعون أبوكِ يا ثانويّة
لعنة قويّة
ياللي النكد عنك غِيّة
دون الهــــوايات
ملعون أبوكي يا مدارس
حَبْس وحارس
مدير عبيطْ ومديرة عانِس
المؤلفون > تميم البرغوثي > اقتباسات تميم البرغوثي
اقتباسات تميم البرغوثي
اقتباسات ومقتطفات من مؤلفات تميم البرغوثي .استمتع بقراءتها أو أضف اقتباساتك المفضّلة.
اقتباسات
كن أول من يضيف اقتباس
-
مشاركة من عبدالسميع شاهين ، من كتاب
قالوا لي بتحب مصر قلت مش عارف
-
من أرشيف أغاني المدرسة
كتبت أيام الدراسة الثانوية من ١٩٩٢-١٩٩٥
مشاركة من عبدالسميع شاهين ، من كتابقالوا لي بتحب مصر قلت مش عارف
-
وقِلِّةْ خَجَلْ
وجاي المقَدَّرْ
على يّدِّ مُحْضرْ
جهنم تِبَشَّرْ
هَوا وحُسْنِ مَنْظَرْ
وجامع مُدَمَّرْ
يحاوِل يِكَبَّرْ
وانا معاه بَحاوِل
بحاوِلْ بَحاوِلْ
مشاركة من عبدالسميع شاهين ، من كتابقالوا لي بتحب مصر قلت مش عارف
-
بِتِصْعَبْ عَلَيَّا
كِتيرْ مش شِوَيّة
وبِتْهِدِّ فِيَّا
فنِوقَعْ سَويّة
ونِرجع نِحاول
بَحاول بَحاول
* * *
زماني كمامة
وحياتي جُمل
أبو زيد سلامة
وكرسي بْعَجَل!
وقِلِّةْ كَرامَة
مشاركة من عبدالسميع شاهين ، من كتابقالوا لي بتحب مصر قلت مش عارف
-
وحاولي تِقومي
تقول لي بَحاول
َبحاوِلْ بَحاوِلْ
* * *
زماني شاويشْ
وحياتي حَوارِي
غَباه أكْلِ عيشْ
وافْتِراهِ اضطرارِي
عليه شِبْرِ خيشْ
عَوْرِتُه لم يِدارِي
شاويشي وليّة
بْرُتَبْ عَس
مشاركة من عبدالسميع شاهين ، من كتابقالوا لي بتحب مصر قلت مش عارف
-
زماني مَغارَة
وحياتي جَداوِلْ
مقاول عمارة
وزماني مُقاوِلْ
أَوَرَّدْ حِجــــــــــــ
ارة يِوَرَّدْ مَعـاوِلْ
حلفْت بْهُمومي
وصَلاتي وصومي
وحزني العمومي
ده يومِك ويومي
فيا مهرة زومي
مشاركة من عبدالسميع شاهين ، من كتابقالوا لي بتحب مصر قلت مش عارف
-
وضِحِكْ أعشاب!
أنا مسجد خليع الباب
أنا الحَبِّيب انا الأحباب
انا الحاصل وانا الأسباب
أنا الدايرة اللي راسمها قلَم
مشاركة من عبدالسميع شاهين ، من كتابقالوا لي بتحب مصر قلت مش عارف
-
يا أمتي يا أيها الطَّلَلُ المُحيلْ قصدي أقول يا أيُّها الطَّلَلُ المُحيلُ عَلى السُّؤالْ يا أيُّها الطَّلَلُ المُحيلُ على المُحال يا أيها الطَّلَلُ المُحَيَّا قصدي أقول، يا أيها الطلل المُحَيّا الوَجْه، وَجْهِ الوِلْف في مْرايِةْ عِينَيَّة وقَصَدْتِ برضك أيها الطلل المحيا من التحية
مشاركة من عبدالسميع شاهين ، من كتابقالوا لي بتحب مصر قلت مش عارف
-
جثةْ شَهيد
يِتْرَجّو فيه أَهْلُه عشان البيت ما يِتهدمْشِ، إنه يقومْ
فَيِمْسِك في الرّدى وما يقومْش
مُوتُه حَصين
ماحَدِّشْ يِقْدَر انه يقتل المَيِّتْ
واذا بيته انهدم تلقي الولد في الخِفْيَة يتبسِّم
لأنه البيت إذا اتهدم
ما يتهدمش
مشاركة من عبدالسميع شاهين ، من كتابقالوا لي بتحب مصر قلت مش عارف
-
نَخَزْها خليط مِن مَحَبَّة وأَلَمْ
يعني راح تِحْسبيها بورقة وقلَمْ
"شيليني يا غيمة ما تقسيش عليَّه"
وبَصِّتْ عَلِيه
هِيَّه راحْ تِفْرِقِ إيه
قالت له
أشيلَكْ، يا عَمُّو، عِينَيَّه!
مشاركة من عبدالسميع شاهين ، من كتابقالوا لي بتحب مصر قلت مش عارف
-
كإن الجبل شيخ، وبيبي
جِهِم بسّ طيِّب
تقولش الجبل محشي لوز لِسَّه أَخْضَر!
جَبَلْ قال لِغيمة خُديني معاكي
"يا غيمة شيليني شيليني يا غيمة"
وغيمتنا دي من عِيال الغيوم
مشاركة من عبدالسميع شاهين ، من كتابقالوا لي بتحب مصر قلت مش عارف
-
وده كَرْمُكُم وعَصَرْت مِنُّه خَمْري
وده خَمركم بس انْعَصَرْ مِن كَرْمِي
أَتْوَضَّا من قبل الكتابة وَاسَمِّي
واكتب قصيدة عن أبويا وأمي
مشاركة من عبدالسميع شاهين ، من كتابقالوا لي بتحب مصر قلت مش عارف
-
اللي كتبته على الجبين كَمَّادة
بُردَة بتشفي المؤمنين
نسمة ومرَّت في مَحَلِّ حدادة
يا مدح ابويا وأمي مَرّ ف صدري
والشِّعر خايف يِمْتِحِن كالعادة
واقف بلبس المدرسة من بدري
مشاركة من عبدالسميع شاهين ، من كتابقالوا لي بتحب مصر قلت مش عارف
-
إيدك يا سيدي حَقَّها تِنْباس
وِأَنا مريد ليكم يا سيدي مريد
فلاّح وتُبْدُرْ مُهْجِتَكْ بالإيد
يطعم رغيفك أُمَّتك ويزيد
صيَّاد وترمي بالشِّباك النّاس
مشاركة من عبدالسميع شاهين ، من كتابقالوا لي بتحب مصر قلت مش عارف
-
رضوى امتحان الشعر وشهادتُه الكبيرة
معناها مِحراب المعاني
الناس بتصبر ع الولادة تسع شهور
وانا أمي تصبر ع الزمان، زماْنين كمان
علشان مريد وعشاني
قالوا لها ما تختارش فاختارت
مشاركة من عبدالسميع شاهين ، من كتابقالوا لي بتحب مصر قلت مش عارف
-
رضوى امتحان الشِّعر وشْهادتُه الكبيرة
معناها مِحراب المعاني
دَقَّقْ تلاقي السِرَّ في شُغل القيشاني
في كل وِحْدِة زخرفة قصة مدينة وأهلَها
وحروف نبات ع الحيط يفرَّع أصلَها
تلقى ولاد بينطُّوا من بين المباني
مشاركة من عبدالسميع شاهين ، من كتابقالوا لي بتحب مصر قلت مش عارف
-
صُوَري الجميلة في طُفولتي وُعود
في شيب رموشي يِفْضَلوا لازْمينِّي
ده لَقَبْ بَشَرْ
مش بالوِلادة بيحرزه المَوْلود
ولا ابونا آدم كان يجوز له سجود
لولا رضوى موجودة ومريد موجود
مشاركة من عبدالسميع شاهين ، من كتابقالوا لي بتحب مصر قلت مش عارف
-
رضوى ومريد حَرَم القَصايد ليها هيبَة دَخْلِتُه
مريم وفي إديها الوليد الشامي ثم المصري
والشِّعر في مشهد ميلادي نَخْلِتُه
خايفة وحوش الإنس أبويا ونَظْرِتُه
مشاركة من عبدالسميع شاهين ، من كتابقالوا لي بتحب مصر قلت مش عارف
-
يا صحن سُلطان حَسَنْ يا صَحْن تَمْر وتِين
يا ألف مَدْنا وجَرَسْ، لألف مِلَّة وْدِين
يا أهل مصر اسمعوني، والكلامْ أَماناتْ
قلتولي بِتْحِبّ مَصر، قُلت مِش عارفْ
روحوا اسألوا مصر هِيَّه عَنْدَها الإجاباتْ
مشاركة من عبدالسميع شاهين ، من كتابقالوا لي بتحب مصر قلت مش عارف
-
قالوا لي بِتْحِبّ مصر، قُلت مِش عارف
لا جيتها سايِح ولا ني أَعمى مش شايِف
ولاني هايِفْ أَرُدّ بْخِفَّة وبْسُرْعَة
وكلِّ من رَدّ يا كذّاب يا هايِف
أَصْلِ المَحَبَّة بسيطةْ وْمصر تركِيبَة
ومصر حِلْوَة، وِمُرَّة، وشِرْحَة، وكَئيبَة
مشاركة من عبدالسميع شاهين ، من كتابقالوا لي بتحب مصر قلت مش عارف