مايكل عادل

اللي يحب مقابلتك .. واعدُه

‫ واللي يحاول يخسرك .. ساعدُه

‫ واللي تلاقيه في الشِّدة بيباعد ..

‫ زوِّد كمان بُعدين على بُعده

‫ وافتح عينيك في الحضن لو بارد

‫ الحرص مش تخوين .. وبيساعد

‫ ما إنت اللي حضنك من زمان مسروق ..

‫ من ناس بتغدر قبل ما تواعد

‫ سيب اللي يخلص يتدلق ع الأرض

‫ سيب الزعل والدمعتين والهَم

‫ ازعل براحتك وانفجر واهتم

‫ وما تشتكيش م الوحدة أو م البرد ..

‫ ما إنت اللي مختار كل الهدوم صيفي ..

‫ وإنت اللي مسنود ع الهوا بالعرض