اقتباسات أحمد الطحان

‫‏«مش مكسوف»‏

‫ طلعت ب خوف

‫ نزلت ب خوف

‫ وشفت الكره

‫ كرهت الشوف

‫ أنا المتغطي بسؤالي

‫ بقيت عريان على المكشوف

‫ ضربت الضحكة ف العالي

‫ ضربني بكايا ف الغضروف

‫ رسمت الوهم سريالي

‫ رسمني الوهم جوا كهوف

‫ ولسا غنايا أطفالي

‫ وباخد منك المصروف

‫ ولسا طموحي مش عالي

‫ ومش خارج عن المألوف

‫ ولسا الشارع الضلمة

‫ مبينورش لاجل ضيوف

‫ ولسا وطنّا مش رحمة

‫ غلابا مسعورين فـ صفوف

‫ ولسا بحارب الأزمة

‫ وأعيّطلك.. ومش مكسوف

وأنا كل ما أقول التوبة

‫ يكعبلني الحنين

‫ بس أنا كان لازم أوضح

‫ إن أنا شاعر.. وكمين

سلمت على كل اللي مش جاي عشانهم

‫ وقعدت ساكت جنب اللي أقصده

‫ بدل ما أرحب بيه

‫ كانت عينيا الظالمة بتطرده

‫ بصيت ل فوق في خيالي المجرم

‫ «هذا الشعور مؤلم لمن يفقده»

ممكن أكون جرح غاير

‫ مولود من طعنة خاينة

‫ ممكن أكون خدش عابر

‫ ميبانش ويا المعاينة

رجعتلك بصبر السفينة التايهة

‫ ويأس الموهبة الشابة

‫ ودموع الأناني

‫ بخيلة الكتابة

ليه مصمم تقفل الابواب

‫ ليه أسيبلك بابي متوارب

متجليش خلصان وبتنازع

كل حرب داخلها خسرانه

‫ بس برضه عنيد وبتحارب

احضنيني

⁠‫حتى لو اتفقنا خلاص إني ضيعت فرصتي الأخيرة

عملت صح.. وانتا مش قده

⁠‫عملت غلط.. وانتا مش قده

⁠‫اقف بقى واتفرج

⁠‫على كل البلاد اللي بنيتها بيتهدوا

⁠‫وابقى اتصل.. وهما مش هيردوا

الكدب نشال محترف

‫ خفة وسراعة ودقة يا حبذا

‫ دخلت غصب عنك الأتوبيس

‫ وسرحت حبة راحت المحفظة

‫ افهم لأنك مش ضحية شيء

‫ الحب فعله الحب

‫ انتا الأذى

بس برضه صدقيني

‫ في النهاية

‫ البعد.. أقرب مسافة ممكنة

سبحانه من خلّى القلوب أسوأ من التخمين ‫ سبحانه من بدِّل حاجات راسخة بحاجات تانيين ‫ سبحانه من خلّى انهيار كل المعاني الصلبة في دقيقتين ‫ سبحانه من خلّى الألف الفرق بين كلمة حنان وحنين ‫

انسحب

‫ ورد الباب

‫ أنا أكتر بني آدم عاش أعراض انسحاب

«متزعلوش يصعب عليا زعلكوا وأنا غايب

‫ أنا سبت أكتر شيء هيوجعكوا

‫ لكن سبتكوا حبايب»

نزل علينا اللطف والرحمات

‫ نزلها دلوقتي.. هنا.. أرجوك

من حقي مرة أخيره إني أحضنك

‫ لكن

‫ من امتا باخد حقي بدراعي

الشِعر دايمًا فيه شعور بالعظمة

‫ لكنه أنبل لو شعور بالذنب

سَيبالي دايمًا اختيار محكيش

‫ من خيبتي دايمًا كنت باجي واقول

أنا ممكن أبص في عينك

‫ وأقولك شعر جميل

‫ ف تقومي أكيد مبتسمة

‫ وطبيعي الحلوة تميل

‫ لو غاوية أماكن عالية

‫ ف أنا لسا كتافي تشيل