اقتباسات طاهر المعتز بالله

المكتبة بقت مكانه المفضل، ‫ لما أهله يروحوا المول يقولهم اتكلوا على الله أنتم وأنا هابقى أجيلكم‫ ويسيبهم ويروح يقعد في المكتبة بالساعات

‫ ولما خلص كتب الفيزياء اللي هناك ابتدى يخش على موضوعات تانية، ‫ فقرا عن الأزمة الاقتصادية العالمية‫ والثورة الفرنسية‫ والحرب العالمية التانية ‫ كل ما موضوع يشده يغوص فيه لحد ما يجيب آخره

‫ ومع اكتشافه لليوتيوب والأفلام الوثائقية ‫ بقى عنده باب سحري تاني لكمية غير محدودة من المعرف،‫ بس للأسف البيت مافيهوش إنترنت، ‫ بدأ يروح الشغل مع باباه ويقعد يتفرج بالساعات على اللابتوب بتاعه

‫ وعلى قد ما الوقت اللي قضاه في القراءة نمى قدراته العقلية على قد ما أثر على حياته الاجتماعية، ‫ فوضعه في المدرسة ماكانش قد كده، ‫ لإنه في الوقت اللي كان بيتفرج فيه على أفلام وثائقية، ‫ زمايله كانوا بيتفرجوا على أفلام ثقافية ‫ عدم تميزه وسط أصحابه كان مسببله حالة عنيفة من insecurity(عدم الأمان)‫ الضلع التالت لمثلث برمودا فترة المراهقة مع الـ anxiety والـself-doubt ()

❞ الواحد في بداية تعوده على القراءة بيبقى عامل زي الشخص اللي عمره ما داق حاجة مسكرة‫ ومرة واحدة لقى نفسه وسط محل حلويات ❝

إذا أردت المشي سريعًا فامشي وحيدًا وإذا أردت المشي بعيدًا فخد أوبر أو امشي مع مجموعة

لا هو المهرج، ‫ ولا الأول على الدفعة، ‫ ولا الطالب تامر حسني محطم قلوب العذارى، ‫ فحس إنه ممكن يلعب دور المثقف لإنه مش محجوز والطلب عليه قليل

‫ وده حببه في القراءة أكتر ، ‫ لأنها ادتله social identity أو هوية اجتماعية جديدة كأكثر واحد مثقف وسط أصحابه، ‫ الضغط اللي بيشكله

‫ الـsocial hierarchy والـplayground picking order (التسلسل الهرمي الاجتماعي) ‫ على المراهقين ضغط قاسي وصعب

‫ ولكن اختياره إنه يتميز في حاجة بيحبها ‫ بدل ما يحاول ينافس باقي القطيع في حاجة مصطنعة أو مابيحبهاش ‫ كان قوة دفع ليه مش العكس، ‫ فابتدى يقعد وقت أطول في المكتبة لدرجة إنه كان ممكن يخلص كتاب كامل في قعدة واحدة، ‫ وصاحب الموظفين اللي انبسطوا بوجود حد بيحب القراءة للدرجة دي في السن ده

‫ ولكن في أحد الأيام مدير المكتبة كان بيمر على الفروع ‫ ولما دخل الفرع اللي بيقعد فيه غندور لقاه قاعد واخد راحته ‫ بيقرا ومابيشتريش ولا كأنه قاعد في ستارباكس

‫ فقال له إحنا مش في جمعية رسالة يا حبيبي، ‫ عايز تقرا روح المكتبة العامة، إنما إحنا بنبيع كتب، ‫ القراءة هنا للي يدفع مش للجميع، وطرده من المكتبة.

غندور حس بوجع القلب لأول مرة في حياته، اطرد من أكتر مكان بيحبه في الدنيا ، ورجع لأهله وهو بيعيط...

‫ Read a thousand books and your words will flow like a river

‫ اقرا ألف كتاب والكلام هيتدفق منك كنهر

ممتاز

كل واحد نفسه يتحب زي ما هو لكن مش كل واحد قادر يحب الناس زي ما هي

الحب يجب أن يُعطَى قبل أن يؤخذ

‫ كل واحد نفسه يتحب زي ما هو لكن مش كل واحد قادر يحب الناس زي ما هي

كل ما الاختيارات تزيد

‫ كل ما القدرة على اتخاذ القرار تقل

‫ والسعادة تقل معاها

غياب الثقة بسبب معرفة كم العوامل المؤثرة على النتيجة لعنة الأذكياء

‫ باعتبار إن الاستثمار في التعليم هو الاستثمار السليم

‫ وإن المخ أهم من العقارات

‫ ابدأ أينما كنت

‫ وتذكّر إنه على الرغم من إن الجملة كليشيه واتهرست في ميت فيلم قبل كده

‫ إلا إن حقيقي «الكنز في الرحلة»

❞ الحقيقة إنك طالما قررت تقدم حاجة للناس يبقى لازم تتقبل إنك بقيت واقف بلبوص قدامهم معرض للنقد على أي وكل شيء ❝

وقرر إن أفضل طريقة لشرح أي حاجة في الدنيا هي القصة

‫ اللي بتخلق حالة من المتعة والتشويق

‫ وبتخلي اللي بيسمع يتعلم من غير ما ياخد باله إنه بيتعلم

وبما إن الناس كلها بتشيّر أخبارها الوحشة بس

‫ مهم نكسر سواد اللوحة بشوية بياض

‫ حتى وإن كان مجرد نقطة صغيرة

‫ الأمل مهم

‫ والأمل هنا أمل حقيقي

إن العلم بحر كل ما تشرب منه تعطش أكتر

وعشان كده في أي صراع بيفضّل يبقى على الحياد

‫ لإيمانه الشديد بأن كل صراع في العالم بينبع من افتراض الفهم الأفضل

‫ ومعرفة التصرف الصحيح

‫ من مجموعة شايفة إنها هي بس اللي صح والباقي كلهم غلط

القراءة كل ما بتمارسها رغبتك فيها بتزيد مش بتقل

القراءة كل ما بتمارسها رغبتك فيها بتزيد مش بتقل

القراءة كل ما بتمارسها رغبتك فيها بتزيد مش بتقل