كتب التنمية البشرية والأفكار اللي بتتناولها بقت معادة و مكررة و غير مهضومة و تصيبك بالملل و الفتور
لكن بنلاقي في الكتاب دا نفس الأفكار اللي اغلب الكتب بتتناولها بأسلوب و طريقة مختلفة ، الكاتب هنا اختار حياة القطط عشان يسقط عليها كل الأفكار دي بدون ما يقولها بشكل مباشر و بيطرحها بطريقة سلسه و لذيذة و بيخليك تعرف كتير عن حياة القطط و سلوكها و طريقة تفكيرها ، عن طريق طرح ٤٠ صفة و سلوك فيهم و اللي فعلا محتاجين نطبقه في حياتنا عشان نحصل علي جودة حياة افضل و تعديل في سلوكنا و تصرفاتنا للأحسن
كنت مستمتع جدا وانا بقرأ الكتاب ، ورغم انه يخلص في قعدة واحدة لكن كنت بقسطه علي الايام لأنه كان بيخلي مودي كويس نوعا ما ❤️
برشحه و بشدة 👏🏻👏🏻