ايفنت كبير
حضر فيه ناس مهمين
وكمان العاملين
شراكة باين كده أنها بالاكراه بين صاحب المطعم و صاحب شركة جدار للعقارات
كله لابس ومتأنتك
جاى يبارك ويهنى
على نجاح بيع الوحدات
نوزع بقى الأرباح
للاسف يا فرحة ما تمت
خدها اونر المطعم وطار 😄
هو طار فعلا من الرووف
لقوه مرمى فى ممر خلفي
وبس بقى الايفنت اتفض
والبوفيه اتلم
والشرطة جت
تحقق مع كل اللى كانوا فى الايفنت
علاقات متشابكة وشراكات ملهاش لازمة
وراها أسرار كتير - ابتزاز على استنطاع
المهم نبان فى الايفنت أصحاب 🤝
اختلاسات على خيانات
كل الشغل الشمال موجود فى الابفنت اياه
مين بقى تفتكروا فى كل الأشكال ديه هيكون السبب ورا موتة الرجل ديه 🤷♀️
رواية جريمة ومين اللى فاعلها واللى دوخنا
هتلف مع الكاتبة على المدعوين والعاملين
وكل واحد هيبقى مشكوك فيه
والفاعل هيطلع مين … 🤦🏼♀️❓
رواية سريعة ومشوقة فى أحداثها وبالرغم أنها مش كبيرة كعادة الكاتبة إلا أنك برضه هتفرهد 😄 أنا ماتعبنيش فى الرواية ديه بقى إلا التخيلات
شكل المطعم بمخارجه ومداخله والسلالم اللى بتوصل الأدوار 😄 يا ريت رسم للمبانى والمنشآت بعد كده في الروايات علشان احنا كبرنا على التخيلات 😁
#مكتبة_دنيا
#قراءات_٢٠٢٦