بدأت الكتاب على اساس انه احداث تاريخيه بشكل عام وتفسير للتاريخ غير شائع ومعتاد لكن ماتوقعت انه مركز على التاريخ الاسلامي. اول موضوع كان عن الشورى او نظام التشاور ماقبل الاسلام في اليمن ماعندي علم بالموضوع هذا او عن صحته لكن قد تكون قصة ملكة سبأ في القران داعمه له، بعدها افك مارية !! كمية الهبد والتأليف وتفسير الايات على مزاجه ويذكر استناده للطبري وكتب التفسير !! ولا اعتقد انه قرا منه الا عشان يحط هواجيسه !! بعدها انتقلت ل جزء زوجات الرسول وامهات المؤمنين، وبعدها لجزء غرفة عائشة رضي الله عنها عندي شك بكذا جزئية وان كان بعض الاحداث صحيحة ومثبته الا انه يدخل بينها تفسيراته الشخصية او شبهات تثار ! عتبي على نفسي اني قريته ولو ابي اقرا عن سيرة الرسول وحياته واصحابه رحت لامهات الكتب والناس الثقة، مب هذا الكتاب ابدا !! ماقدرت اقرا كل الاجزاء لكن اي احد عنده معرفة بالسيرة يدري ان هذا الكتاب اسوء من الاسرائليات