قسماً بالله إبداع مو طبيعي.. خذت قلبي هالرواية
أنا قارئ سعودي، وخلوني أكون صادق معكم.. ذائقتي بالكتب صعبة ومو أي شيء يملي عيني، ونادراً نادراً ما تعجبني أو تشدني رواية لكتّاب غير سعوديين. لكن حنين سعد حايس؟ هذي الكاتبة قصة ثانية تماماً! وش هالزين؟ وش هالإبداع الفجّار اللي شفته هنا؟!
فكرة الرواية قسم بالله خرافية وتطير العقل، جديدة ومبتكرة وما قد مر علي مثلها. الحبكة والغموض يخليك جالس على أعصابك، أسلوبها يدرّس ويسحر القارئ سحر، حنين كاتبة رائعة جداً وفوق الوصف، ومو بس كذا.. أنا واثق ومستعد أراهن إنها بتصير من أحسن توب كتّاب الوطن العربي وبتقعد في الصدارة قريب جداً، لأن هالموهبة وهالعمق حرام ما يوصل للعالمية.
من الحين أقولها: أنا أول واحد مسنتر وبانتظار رواياتها الجاية على أحر من الجمر، وعيوني على كل جديد بتنزله. الرواية هذي توب التوب وتستاهل المليون نجمة مو بس خمسة.. برافو حنين!