هل ممكن فضولك يودّيك لحاجة تندم عليها… حتى لو كانت مجرد أوضة مقفولة؟

الاسم: صندوق فرعون

الكاتب: مكاريوس عطيتو

عدد الصفحات: 144

دار النشر: تنوين لنشر والتوزيع

التصنيف: غموض

القراءة: الكترونيه علي تطبيق

نبذة :

الرواية بتدور حول مجموعة من الشباب من الصعيد بيسافروا الإسكندرية علشان يقضوا آخر سنة ليهم في الكلية، ويدوروا على شقة يعيشوا فيها. وبالفعل بيلاقوا شقة في سيدي بشر عن طريق شخص بيدلهم عليها، وصاحبها "عم كمال" اللي بيشترط عليهم شرط غريب: إنهم ما يفتحوش الأوضة الرابعة.

في البداية بيمشوا على الشرط، لكن الفضول بيغلبهم، ومن هنا تبدأ الأحداث الغامضة… كوابيس، حاجات غريبة بتحصل، وشخص غامض اسمه "فرعون" بيظهر ويهدد، وكل ده مرتبط بصندوق أثري بيخبي وراه سر كبير. ومع تصاعد الأحداث، الحقيقة بتبدأ تنكشف بشكل تدريجي.

رأيي:

الصراحة أنا عن نفسي حبيت الأحداث علشان أنا شخص بحب الروايات اللي بتكون فيها لعنات وألغاز وحاجات كدا. السرد بسيط جداً وبالعامية، ممكن ناس ما تحبش الجزء ده، وكمان كان فيه بعض الاخطاء الاملائية، بس بالنسبة لي ما كانش عايق خالص، بالعكس أنا اندمجت معاها جداً.

حبيت الجُمل اللي كانت في بداية كل فصل، وكمان الرواية صغيرة جداً، فممكن تكون اختيار حلو لأي حد عايز يبدأ بحاجة خفيفة. أنا حبيتها الصراحة ☺️

⭐ التقييم:

4/5