رواية : عزيزتي سيلين

للكاتب : رامي حمدي

تدور احداث الرواية حول سيدة خمسينية مصابة بمرض الزهايمة

الرواية دي حرفيا شدتني من اول لحظة ودخلت عليا بفيض من المشاعر والتخبط والاحباط احيانا ومحاولة التمسك بالأمل الوهمي احيانا اخري

الكاتب أسلوبه مميز اوي بجد قلم حلو جدا خلاني منتظر اي عمل للكاتب

( الرواية سردية بالكامل بدون حوار )

عجبني اوي فكرة ان الكاتب بيوصل حالة انسانية ببراعة بدون ما يقدملي حلول ولكن بيسرد وبيخليك تفكر وتتخيل وتحس معاها وده زاد من مصداقيتها بالنسبة ليا.

مزج الاغاني في العمل ده مختلف انا تقريبا كنت بscan الاغنية من الرواية واقرأ معاها حقيقي كانت كل الاغاني مناسبة اوي للمواقف والمشاهد وبتعيشني اكتر مع العمل من حيث الاحساس وتخيل المشهد نفسه .

اما بقا عن الكاتب نفسه فأنا اكتشفت صدفة انه صاحب رواية (لوحة كولاج) الي كنت قرأتها من 5 سنين😂 وكذلك رواية فيليا

عاجبني اوي انه بينوع في اعماله بشكل كبير جدا وما شاء الله برع فيهم كلهم.