قاعد على كنبتك 🛋️ فى البيت 🏡
موبيلك فى ايديك🤳
افتح لايف ⏺️
وقول أى كلمتين
هيجيلك متابعين
مش واحد 👆🏻ولا اتنين ✌🏻
لأ بالملايين
سواء اتكلمت فى تفاهة
أو قولت كلام عميق
يأثر فى المستمعين
اللى بيتنشأوا يسمعوا كلام من نوعية
" ابدأ حلمك بخطوتين "
وابدأ مشروعك لو حتى معاك جنيه
وهو عادى بدأ مشروعه بملايين 😄
بس اهو أى كلام جر للرجلين 🤷♀️
( مش كله أكيد ) علشان ماحدش يقولى بتخبطى فى أصحاب اللايفات ولا ايه 😉
بس ما تنكرش أن فيه من النوعية ديه كتير
تدخلك بالتسبيل وأنك قد التحدى وتقدر تدغدغ الدغاديغ كلام جميل كلام معقول مقدرش أقول حاجة عنه
بس فيه ناس بيقولوا اللى هما مش ماشيين عليه ولا ايه 😉
يكلمك عن الثقة والأمانة
وهو خان صاحبه أول امبارح 🤷♀️
يديك نصائح أسرية ويحببك فى الأجواء العائلية
وهو مايعرفش عياله فى سنة كام وقاعد على القهوة ليل 🌙 ونهار ☀️
ولا اللى واخدها واجهة وشد زبون
نلف ونلعب عليه لحد ما نهبش منه هبشتين
وغيره بقى اللى عنده تارجت غير 😉
يا ترى صاحبنا بقى االى فى الرواية ديه #مستخدم_مجهول لـ #نرمين_بسيوني أى نوع من الأنواع ديه 👆🏻👆🏻
ولا هو من النوع الطيب اللى له رسالة بيوجها لمتابعيه 🤷♀️
أول تجربة مع الكاتبة عجبتنى فكرتها والموضوع اللى تناولته … فكرة الـ streamer اللى كل ما تفتح أبليكشن تلاقيهم بيتكلموا ويتكلموا وكلامهم بقى بنسبة كبيرة بيأثر فينا و اغلبنا بنصدق كلامهم وناخد بنصايحهم ونتبع توجيهاتهم بس لازم نعرف بنسمع ايه ولمين قبل ما نلبس فى الحيط 🤦🏼♀️
#مكنبة_دنيا
#قراءات_٢٠٢٦